வாடிவாசல் படத்தின் மிரட்டலான போஸ்டர்.!

வாடிவாசல் டைட்டில் லுக் போஸ்ட்டரை ரசிகர் ஒருவர் எடிட் செய்த போஸ்டர் சமூக வலைத்தளத்தில் வைரலாகி வருகிறது.

இயக்குனர் பாண்டிராஜ் இயக்கத்தில் நடிகர் சூர்யா தற்போது தனது 40 வது படத்தில் நடித்து வருகிறார். இந்த திரைப்படத்தின் படப்பிடிப்பு விறுவிறுப்பாக நடைபெற்று வருகிறது. விரைவில் இந்த படத்தின் படப்பிடிப்பு முடிந்துவிடும் என்று எதிர்பார்க்க ப்படுகிறது. படத்திற்கான பர்ஸ்ட் லுக் வருகின்ற ஜூலை 23 ஆம் தேதி சூர்யா பிறந்த நாளை முன்னிட்டு வெளியாகவுள்ளது.

இந்த திரைப்படத்தை தொடர்ந்து அடுத்ததாக நடிகர் சூர்யா இயக்குனர் வெற்றி மாறன் இயக்கத்தில் வாடிவாசல் திரைப்படத்தில் நடிக்கவுள்ளார். படத்திற்கான படப்பிடிப்பு இந்த வருட இறுதியில், தொடங்கும் என்று கூறப்படுகிறது. இந்த படத்திற்கு இசையமைப்பாளர் ஜிவி பிரகாஷ் இசையமைக்கவுள்ளார். படத்தை கலைப்புலி தாணு தயாரிக்கிறார்.

இந்த திரைப்படத்திற்கான டைட்டில் லுக் கடந்த சில நாட்களுக்கு முன்பு வெளியாகி ரசிகர்களுக்கு மத்தியில், பலத்த வரவேற்பை பெற்றது. டைட்டில் லுக் வெளியானத்திலிருந்து ரசிகர்கள் அதை மிகவும் அட்டகாசமாக எடிட் செய்து வெளியிட்டு வருகின்றார்கள். அந்த வகையில், மிகவும் மிரட்டலாக வாடிவாசல் டைட்டில் லுக் போஸ்ட்டரை ரசிகர் ஒருவர் எடிட் செய்துள்ளார். அந்த போஸ்டர் சமூக வலைத்தளத்தில் வைரலாகி வருகிறது. இதோ அந்த போஸ்டர்.