மழை காரணமாக போட்டி ரத்து !இரு அணிகளுக்கும் தலா ஒரு புள்ளி !

நேற்றைய  போட்டியில் தென் ஆப்ரிக்கா Vs வெஸ்ட் இண்டீஸ் அணி மோதியது. இப்போட்டியானது சவுத்தாம்ப்டனில் உள்ள ரோஸ் பவுல் மைதானத்தில் நடை பெற்றது.இப்போட்டியில் டாஸ் வென்ற வெஸ்ட் இண்டீஸ் அணி பந்து வீச முடிவு செய்தது.
முதலில் களமிறங்கிய தென் ஆப்ரிக்கா அணியில் தொடக்க வீரர்களான க்வின்டன் டி காக் ,ஹஷிம் அம்லா இருவரும் களமிறங்கினர்.தொடக்கத்தில் நிதானமாக விளையாடிய ஹஷிம் அம்லா 3 -வது ஓவரில் 6 ரன்கள் எடுத்து தனது விக்கெட்டை இழந்தார்.பின்னர் களமிறங்கிய ஐடென் மார்கரம்  5 ரன்னில் வெளியேறினர்.
இறுதியாக தென் ஆப்ரிக்கா அணி 7.3 ஓவரில் 29 ரன்கள் எடுத்த நிலையில் களத்தில் டூ பிளெஸ்ஸிஸ் 0 ரன்னுடனும் ,க்வின்டன் டி காக் 17 ரன்னுடனும் இருவரும் விளையாடி வந்தனர்.
அப்போது மழை தொடங்க ஆரம்பித்தது. இதனால்மழை காரணமாக போட்டி தற்காலிகமாக நிறுத்தி வைக்கப்பட்டது. ஆனால் மழை தொடர்ந்து பெய்ததால் போட்டி ரத்து செய்யப்பட்டது.
போட்டி ரத்து செய்ததன் மூலம் தென் ஆப்ரிக்கா , வெஸ்ட் இண்டீஸ் ஆகிய  அணிகளுக்கும் தலா 1 புள்ளிகள் வழங்கப்பட்டது.இதன் மூலம் தென் ஆப்ரிக்கா அணி புள்ளி பட்டியலில் 1 புள்ளியையும்,வெஸ்ட் இண்டீஸ் அணி புள்ளி பட்டியலில்  3 புள்ளியையும் பெற்று உள்ளது.