5வது சர்வதேச பலூன் திருவிழா இன்று தொடக்கம்

5வது சர்வதேச பலூன் திருவிழா செங்கல்பட்டு அருகே மகேந்திராசிட்டி மைதானத்தில் இன்று தொடங்கியுள்ளது.

உலகம் முழுவதிலும் சுற்றுலாத் துறையை மேம்படுத்தும் விதமாக பல்வேறு நாடுகள் சேர்ந்து பலூன் திருவிழா, பலூன் பறக்கவிடும் போட்டி உள்ளிட்ட நிகழ்வுகளை நடத்தி வருகிறது. இந்நிலையில் 5வது சர்வதேச பலூன் திருவிழா காஞ்சிபுரம் மாவட்டம் செங்கல்பட்டில் தொடங்கியது. செங்கல்பட்டு அருகே மகேந்திரா சிட்டி மைதானத்தில் இன்று தொடங்கியுள்ள இந்த பலூன் திருவிழா, வரும் 6ம் தேதிவரை நடைபெறவுள்ளது. விழாவில், அமெரிக்கா, மெக்ஸிகோ, ஜெர்மனி உள்ளிட்ட நாடுகளை சேர்ந்தவர்கள் ராட்சத பலூன்கள் பறக்கவிடப்பட்டுள்ளனர். மேலும் இந்த விழாவில் சுற்றுலாத் துறையின்பிரம்மாண்ட தேசியக்கொடி வடிவிலான பலூன், நடிகர் ரஜினிகாந்தின் 2.0 படத்தின் பலூன் உள்ளிட்ட பலூன்கள் பறக்கவிடப்பட்டுள்ளன. இதன் தொடக்கவிழா மாலை 4.30 மணி அளவில் நடைபெறவுள்ள நிலையில், காலைமுதலே சுற்றுலா பயணிகள் அனுமதிக்கப்பட்டு வருகின்றனர்.