தளபதி விஜய்யுடன் நடிப்பது மகிழ்ச்சி – பூஜா ஹெக்டே ஓபன் டாக்.!

விஜய் ஒரு மிகவும் திறமையான நடிகர் என்று நடிகை பூஜா ஹெக்டே தெரிவித்துள்ளர். 

இயக்குனர் நெல்சன் திலீப் குமார் இயக்கத்தில் நடிகர் விஜய் நடித்து வரும் திரைப்படம் பீஸ்ட். இந்த படத்தில் பூஜா ஹெக்டே விஜய்க்கு ஜோடியாக நடித்து வருகிறார். படத்திற்கான முதற்கட்ட படப்பிடிப்பு ஜார்ஜியாவில் படமாக்கப்பட்டு முடிவடைந்தது. அதனை தொடர்ந்து இரண்டாம் கட்ட படப்பிடிப்பு சென்னையில் தொடங்கப்பட்டு தற்போது முடிந்துள்ளது. தற்போது பீஸ்ட் திரைப்படத்தின் மூன்றாம் கட்ட படப்பிடிப்பு ஆகஸ்ட் 1- ஆம் தேதி முதல் சென்னையில் தொடங்கவுள்ளது.

இந்த திரைப்படத்திற்கான பர்ஸ்ட் லுக் போஸ்டர் மற்றும் இரண்டாம் லுக் போஸ்டர் வெளியாகி ரசிகர்களுக்கு மத்தியில் நல்ல வரவேற்ப்பை பெற்றது. சன்பிக்ச்சர்ஸ் நிறுவனம் தயாரிக்கும் இந்த படத்திற்கு இசையமைப்பாளர் அனிருத் இசையமைத்து வருகிறார்.

இந்நிலையில், சமீபத்தில் ஊடகம் ஒன்றிற்கு பேட்டியளித்த நடிகை பூஜா ஹெக்டே பீஸ்ட் படம் பற்றி பேசியுள்ளார். அதில் அவர் பேசியது “பீஸ்ட் படத்தில் விஜய்யுடன் பாடல் காட்சியில் நடித்து முடித்துவிட்டது. விஜய் ஒரு மிகவும் திறமையான நடிகர். தமிழ் திரைப்படத்தில் நீண்ட இடைவெளிக்குப் பின் நடிப்பது மிகவும் மகிழ்ச்சியாக இருக்கிறது. அதுவும் விஜய் போன்ற ஒரு நடிகருடன் நடித்தது மிகவும் மகிழ்ச்சி.  அடுத்த மாதம் மீண்டும் பீஸ்ட் படப்பிடிப்பில் கலந்து கொள்ள இருக்கிறேன்.” என்று தெரிவித்துள்ளார்.