9 வருடங்களுக்கு பின் சிம்புவுடன் ஜோடி சேரும் தல-தளபதி நடிகை .!

9 வருடங்களுக்கு பின் சிம்புவிற்கு ஜோடியாக அனுஷ்கா நடிக்கவுள்ளதாக தகவல்கள் வெளியாகியுள்ளன.

நடிகர் சிம்பு மாநாடு படத்திற்கு முன்பு சுசீந்திரன் அவர்களின் இயக்கத்தில் “ஈஸ்வரன்”என்ற படத்தை நடித்து முடித்ததுடன், அதற்கான டப்பிங் பணிகளையும் முடித்து தற்போது அந்த படத்தின் போஸ்ட் புரொடக்ஷன் பணிகள் நடந்து வருகிறது.
அதனையடுத்து சிம்பு புதுச்சேரியில் நடைபெற்று வரும் மாநாடு படத்தின் படப்பிடிப்பில் கலநது கொண்டதாக கூறப்பட்டது.

இந்த நிலையில் சிம்பு மாநாடு படத்தை அடுத்து நடிக்கும் படம் குறித்த தகவல்கள் வெளியாகியுள்ளன. சிம்புவின் அடுத்த படத்தை கௌதம் மேனன் இயக்கவுள்ளதாகவும் , இந்த படத்தில் சிம்புவுக்கு ஜோடியாக நடிகை அனுஷ்கா நடிக்கவுள்ளதாகவும் தகவல்கள் வெளியாகியுள்ளன. உடல் பருமன் காரணமாக பட வாய்ப்புகள் இல்லாமல் இருந்த நடிகை அனுஷ்காவிற்கு சமீபத்தில் நிசப்தம் படம் மூலம் ரீஎன்ட்ரி கொடுத்து ரசிகர்களிடம் வரவேற்பைப் பெற்றது குறிப்பிடத்தக்கது . மேலும் சிம்பு மற்றும் அனுஷ்கா இணைந்து வானம் என்னும் படத்தில் நடித்தது குறிப்பிடத்தக்கது.