அடுத்த படத்திற்காக உடல் எடையை 105kg – டூ – 79Kg-ஆக குறைத்த தமிழ் நடிகர்.!

by RagiPosted on August 17, 2020

நடிகர் ஆர். கே. சுரேஷ் அடுத்ததாக பாலா இயக்கத்தில் நடிக்கும் படத்திற்காக தனது உடல் எடையை 105லிருந்து 79கிலோவாக குறைத்த புகைப்படம் சமூக வலைத்தளங்களில் மிகவும் வைரலாகி வருகிறது.

தமிழ் சினிமாவின் முன்னணி இயக்குநராக வலம் வருபவர் பாலா. இவரது திரைப்படம் சற்று வித்தியாசமாக இருக்கும். ரசிகர்களை கவரும் வகையில் சிறந்த கதைகளத்தை கொண்டதாக இருக்கும் இவரது படங்கள் அனைத்தும் பெரிய அளவில் ஹிட் தான் பெற்றிருக்கிறது. கடைசியாக பாலா இயக்கத்தில் ஜோதிகா மற்றும் ஜி. வி. பிரகாஷ் குமார் நடிப்பில் நாச்சியார் என்ற படம் வெளியாகி வசூல் ரீதியாக சாதனை படைத்தது. இந்த நிலையில் இவர் அடுத்ததாக ஆர். கே. சுரேஷ் அவர்களை வைத்து படம் ஒன்றை இயக்கவுள்ளார்.

இந்த படம் மலையாளத்தில் ஜிஜோ ஜார்ஜ் நடித்த ‘ஜோசப்’ என்ற படத்தின் தமிழ் ரீமேக் என்றும், இதில் ஆர். கே. சுரேஷ் இரு கதாபாத்திரத்தில் நடிப்பதாகவும் கூறப்படுகிறது. இந்த நிலையில் தற்போது ஆர். கே. சுரேஷ் இந்த படத்திற்காக தனது உடல் எடையை 105கிலோவிலிருந்து 79கிலோவாக குறைத்துள்ளார். அந்த புகைப்படத்தை அவர் தனது டுவிட்டர் பக்கத்தில் வெளியிட்டுள்ளார். இதனை பார்த்த ரசிகர்கள் வாயடைத்து போயுள்ளனர். ஏற்கனவே ஆர். கே. சுரேஷ் பாலாவின் தார தப்பட்டை படத்தில் வில்லனாக நடித்து கலக்கியது குறிப்பிடத்தக்கது.