இந்திய அணி படுதோல்வி!முதல் டி20 ஆட்டத்தில் இலங்கை அணி வெற்றி…..

இந்திய அணியை இலங்கையில் நடைபெற்று வரும் முத்தரப்பு டி20 போட்டியின் முதல் ஆட்டத்தில்,  5 விக்கெட் வித்தியாசத்தில் வீழ்த்தி இலங்கை அணி வெற்றி பெற்றது.

கொழும்பில் நடைபெற்ற போட்டியில் டாஸ் வென்ற இலங்கை அணி, பந்துவீச்சைத் தேர்வு செய்தது. இதையடுத்து முதலில் களம் இறங்கிய இந்திய அணி 20 ஓவர்களில் 5 விக்கெட் இழப்புக்கு 174 ரன்கள் எடுத்தது. ஷிகர் தவான் 49 பந்துகளில் 90 ரன்களை விளாசினார். மணீஷ் பாண்டே 37 ரன்களும், ரிஷப் பந்த் 23 ரன்களும் சேர்த்தனர்.

தொடர்ந்து ஆடிய இலங்கை அணி 18.3 ஓவர்களில் 5 விக்கெட்டுகளை இழந்த நிலையில் இலக்கை எட்டி வெற்றி பெற்றது. குசல் பெரேரா 37 பந்துகளில் 66 ரன்கள் குவித்தார். திசாரா பெரேரா ஆட்டமிழக்காமல் 22 ரன்கள் எடுத்திருந்தார்.

மேலும் செய்திகளுக்கு தினச்சுவடுடன் இணைந்திருங்கள்.