மலையாள   சூப்பர் ஸ்டாரால் வெளியிடப்படும்    ‘சக்ரா’ படத்தின் டிரைலர்.!

விஷால் நடித்து முடித்துள்ள ‘சக்ரா’ படத்தின் டிரைலர் வரும் ஜூன் 27ம் தேதி தமிழ், தெலுங்கு, மலையாளம் மற்றும் கன்னடம் உள்ளிட்ட மொழிகளில் வெளியாகும் என்றும் ,அவற்றுள் மலையாள மொழி ட்ரைலர் சூப்பர் ஸ்டார் மோகன்லால் அவர்களால் வெளியிடவுள்ளதாக அறிவிப்பு வெளியாகியுள்ளது.

விஷால் நடிப்பில் உருவாகியுள்ள திரைப்படங்களில் ஒன்று ‘சக்ரா’. இந்த படத்தின் படப்பிடிப்பு ஊரடங்கிற்கு முன்பு முடிவடைந்தது. இந்த படத்தை எம். எஸ். ஆனந்த் இயக்குகிறார். யுவன் ஷங்கர் ராஜா இசையமைக்கும் இந்த படத்திற்கு பாலசுப்பிரமணியம் ஒளிப்பதிவு செய்கிறார். மேலு‌ம் விஷாலின் தயாரிப்பு நிறுவனமான விஷால் பிலிம் பேக்டரி தயாரிக்கும் இந்தப் படத்தில் ரெஜினா கெசன்ட்ரா, ஷ்ரத்தா ஸ்ரீநாத் ஆகியோர் கதாநாயகியாக நடிக்கின்றனர். மேலும் அவர்களுடன் ரோபோ சங்கர், மனோபாலா, சிருஷ்டி டாங்கே ஆகியோரும் முக்கிய வேடங்களில் நடித்துள்ளனர்.

தமிழ் மற்றும் தெலுங்கில் வெளியாகவுள்ள இந்த படத்தின் பர்ஸ்ட் லுக் போஸ்ட்ர் ரசிகர்கள் இடையில் நல்ல வரவேற்பையே பெற்றிருந்தது. சமீபத்தில் போஸ்ட் புரொடக்ஷன் பணிகளை தொடங்கியுள்ளதாக அறிவித்திருந்தனர்.அண்மையில் இந்த படத்தின் தமிழ் மற்றும் தெலுங்கு டிரைலர் புரோமோவை வெளியிட்டு ரசிகர்கள் மத்தியில் பெரும் வரவேற்பைப் பெற்றது. இந்த நிலையில் சக்ரா படத்தின் டிரைலரை வரும் ஜூன் 27ம் தேதி சனிக்கிழமை அன்று தமிழ், தெலுங்கு, மலையாளம் மற்றும் கன்னடம் ஆகிய மொழிகளில் வெளியிடவுள்ளதாக அதிகாரப்பூர்வ அறிவிப்பு வெளியாகியிருந்தது. தற்போது அந்த  படத்தின் மலையாள டிரைலரை மலையாள சினிமாவின் சூப்பர் ஸ்டாரான மோகன்லால் வெளியிட உள்ளதாக அதிகாரப்பூர்வ அறிவிப்பை தயாரிப்பு நிறுவனம் தனது டுவிட்டரில் பக்கத்தில் அறிவித்துள்ளது.

The Complete Actor & Super Star Mr @Mohanlal will be Launching our Trailer on 27th June @ 5 PM #Chakra #ChakraTrailer#VishalChakra #VishalInChakra pic.twitter.com/OpqsmA7bEZ

— Vishal Film Factory (@VffVishal) June 25, 2020