சூரரை போற்று படம் குறித்து வெளியான சூப்பர் அப்டேட்.! குஷியில் ரசிகர்கள்.!
சூரரை போற்று படத்தில் மீண்டும் புதிதாக 3 பாடல்கள் இணைக்கப்பட்டுள்ளதாக ஜி. வி. பிரகாஷ் குமார் தெரிவித்துள்ளார்.
நடிகர் சூர்யா தற்போது நடித்து முடித்துள்ள திரைப்படம் சூரரை போற்று. இப்படத்தை சுதா கோங்குரா இயக்குகிறார். மேலும் இப்படத்தில் சூர்யாவிற்கு ஜோடியாக அபர்ணா பாலமுரளி நடித்துள்ளார். மேலும் சம்பத் ராஜ், கருணாஸ், ஜாக்கி ஷ்ரூஃப் உள்ளிட்ட பலர் முக்கிய வேடங்களில் நடித்துள்ளனர்.இப்படத்திற்கு ஜி. வி. பிரகாஷ் குமார் இசையமைத்துள்ளார். நிகேஷ் பொம்மிரெட்டி ஒளிப்பதிவு செய்யும் இந்த படத்தை சக்தி பிலிம் பேக்டரி நிறுவனம் மற்றும் 2டி என்டர்டெயின்மெண்ட் நிறுவனம் இணைந்து தயாரிக்கிறது. ரிலீஸ்க்கு தயாராக இருந்த படம் கொரோனா தொற்று காரணமாக ரிலீஸ் தள்ளி வைக்கப்பட்டுள்ளது.
சமீபத்தில் சூரரை போற்று படத்தை அமேசான் பிரேமில் அக்டோபர் 30ம் தேதி வெளியிடவுள்ளதாக சூர்யா அவர்கள் அறிவித்திருந்தார். மேலும் இந்த படத்திலுள்ள அனைத்து பாடல்களும் ரசிகர்களின் பேவரட்டாக மாறியுள்ளது . அதிலும் வெய்யோன் சில்லி மற்றும் காட்டுப்பயலே பாடல் ரசிகர்களின் மனதில் நீங்கா இடத்தை பிடித்துள்ளது. இந்நிலையில் மீண்டும் இந்த படத்தில் மூன்று பாடல்கள் இணைக்கப்பட்டுள்ளதாகவும், அதன் ரிலீஸ் தேதி குறித்த அறிவிப்பை தயாரிப்பு நிறுவனம் விரைவில் வெளியிடும் என்று சூரரை போற்று இசையமைப்பாளரான ஜி. வி. பிரகாஷ் குமார் தனது டுவிட்டர் பக்கத்தில் அறிவித்துள்ளார். இது ரசிகர்கள் மத்தியில் பெரும் உற்சாகத்தை ஏற்படுத்தியுள்ளது.
3 amazing songs left in #sooraraipottru to release … updates from production soon … @Suriya_offl @rajsekarpandian #SudhaKongara
— G.V.Prakash Kumar (@gvprakash) September 5, 2020
