தன்னை ஹீரோவாக்கியவரை வீட்டு ஒனராக மாற்றி அழகுபார்த்த சூப்பர் ஸ்டார் ரஜினிகாந்த்!

தமிழ் சினிமாவில் சூப்பர் ஸ்டாராக வலம் வருகிறார் ரஜினிகாந்த். இவருக்கு உலகம் முழுவதும் இவருக்கு ஏகப்பட்ட ரசிகர் பட்டாளம் உள்ளது. தமிழ் சினிமாவில் சிறு சிறு வேடங்களில் நடித்து வந்த ரஜினியை ஹீரோவாக தமிழ் சினிமாவில் நடிக்க வைக்க பரிந்துரை செய்ததில் முக்கியமானவர் கதாசிரியர் கலைஞானம். இவர் திரைக்கதை மருத்துவர் என திரைத்துறையினர் செல்லமாக அழைப்பார்களாம்.

இவர் திரைக்கதையில் மக்கள் எதனை ரசிப்பார்கள் எது பிடிக்காது என முக்கிய ஆலோசனைகளை திரை துறையினருக்கு வழங்குவாராம். சினிமாவில் வெகு வருடங்களாக இருக்கும் இவருக்கு இதுவரை சொந்த வீடு இருந்ததில்லை.

இந்த விஷயம் கலைஞானம் அவர்களுக்கு நடைபெற்ற பாராட்டு விழாவில் ரஜினிக்கு தெரியவந்தது. இது தெரிந்ததும், அவருக்கு வீடு வழங்க திட்டமிட்டு, தர்பார் ஷூட்டிங் செல்லும் முன்பு செக் போட்டு உதவியாளரிடம் கொடுத்து, கலைஞானதிற்கு வீடு கட்டி கொடுக்க சொல்லியுள்ளார்.
அதன் பின்னர், கலைஞானத்திற்கு வீடு கட்டி கொடுக்கப்பட்டுள்ளது. தற்போது தர்பார் ஷூட்டிங் முடிந்ததும், கலைஞானம் வீட்டிற்க்கு சென்ற ரஜினி அவருக்கு சாயிபாபா படத்தை பரிசாக அளித்துவிட்டு வந்துள்ளார்.