விக்ரம் படத்தின் படப்பிடிப்பு எப்போது…? வெளியான சூப்பர் தகவல்..!

லோகேஷ் கனகராஜ் இயக்கத்தில் கமல் ஹாசன் நடிப்பில் உருவாகவுள்ள விக்ரம் படத்திற்கான படப்பிடிப்பு தேர்தலிற்கு பிறகு தொடங்க படக்குழு திட்டமிட்டுள்ளதாக தகவல்கள் வெளியாகியுள்ளது.

கடந்த பொங்கல் தினத்தை முன்னிட்டு இயக்குனர் லோகேஷ் கனகராஜ் இயக்கத்தில் வெளியான மாஸ்டர் திரைப்படம் மிகுந்த வரவேற்பை பெற்றுவருகிறது. இந்த படத்தை தொடர்ந்த இயக்குனர் லோகேஷ் கனகராஜ் அடுத்ததாக நடிகர் கமல் ஹாசனை வைத்து விக்ரம் என்ற திரைப்படத்தை இயக்கவுள்ளார். இந்த படத்திற்கு இசையமைப்பாளர் அனிருத் இசையமைக்கவுள்ளார். அதைபோல் ஒளிப்பதிவாளராக சத்யன் சூரியன் பணியாற்றுகிறார்.

இந்த திரைப்படத்திற்கான டைட்டில் டீசர் போஸ்டர் மட்டும் கடந்த ஆண்டு வெளியாகி ரசிகர்களுக்கு மத்தியில் பலத்த வரவேற்பை பெற்று படத்தின் மீதுள்ள எதிர்பார்ப்பை அதிகமாக்கியது என்றே கூறலாம், இந்த நிலையில் தற்போது இந்த திரைப்படத்திற்கான படப்பிடிப்பு தேர்தலிற்கு பிறகு தொடங்க படக்குழு திட்டமிட்டுள்ளதாக தகவல்கள் வெளியாகியுள்ளது. ஏனெனில் கமல்ஹாசன் தேர்தல் வேளையில் பிசியாக இருப்பதால் படப்பிடிப்பில் கலந்துகொள்ளமுடியாது. இதனால் தேர்தலிற்கு பின்னே படத்துக்கான படப்பிடிப்பு தொடங்கும் என்று எதிர்பார்க்கப்படுகிறது.