வலிமை படப்பிடிப்பு நிறைவு.! விரைவில் ரிலீஸ் தேதி அறிவிப்பு.?

அஜித்தின் வலிமை திரைப்படத்தின் படப்பிடிப்பு ரஷ்யாவில் நிறைவடைந்தது வெளியாகும் தேதி விரைவில் அறிவிக்கப்படும்எனத் தகவல்

நடிகர் அஜித் குமார் நடித்துள்ள திரைப்படம் வலிமை. இயக்குனர் ஹெச்.வினோத் இயக்கத்தில் உருவாகியுள்ள இந்த படத்தில் அஜித்திற்கு ஜோடியாக நடிகை ஹூமாகுரோஷி நடித்துள்ளார். வில்லனாக கார்திகேயா நடித்துள்ளார். மேலும் யோகி பாபு, புகழ், சுஜித்ரா, போன்ற பல பிரபலங்கள் முக்கியமான கதாபாத்திரத்தில் நடித்துள்ளனர்.

ஆகஸ்ட் 20-ஆம் தேதி முதல் ரஷ்யாவின் மாஸ்கோவில் தொடங்கிய படப்பிடிப்பில் சண்டைக்காட்சி மற்றும் இறுதிக்காட்சிகளை எடுத்துள்ளனர். இந்த நிலையில், வலிமை படப்பிடிப்பு முழுமையாக நிறைவடைந்துள்ளதையொட்டி படக்குழுவினர் இன்று காலை சென்னை திரும்பியுள்ளனர். விரைவில் ரிலீஸ் தேதி மற்றும் இரண்டாம் பாடல் வெளியாகும் தேதி அறிவிக்கப்படும் என எதிர்பார்க்கப்படுகிறது.

மேலும் தயாரிப்பாளர் போனி கபூர் தயாரிப்பில் உருவாகி வரும் இப்படத்திற்கு இசையமைப்பாளர் யுவன் சங்கர் ராஜா இசையமைத்துள்ளார். ஒளிப்பதிவாளராக  நிரவ்ஷா பணியாற்றியுள்ளார்.