நடப்பு உலகக்கோப்பையில் பந்து வீச்சாளர்களில் முதலிடத்தை பிடித்த ஸ்டார்க்!

நேற்றைய போட்டியில் இங்கிலாந்து , ஆஸ்திரேலியா அணிகள் மோதியது . இப்போட்டி லண்டனில் உள்ள லார்ட்ஸ் மைதானத்தில் நடைபெறுகிறது. இப்போட்டியில் டாஸ் வென்ற இங்கிலாந்து பந்து வீச முடிவு செய்தது.
முதலில் இறங்கிய  ஆஸ்திரேலியா அணி 50 ஓவர் முடிவில் 7 விக்கெட்டை இழந்து 285 ரன்கள் எடுத்தது. பின்னர் களமிறங்கிய இங்கிலாந்து அணி 44.4 ஓவர் முடிவில் அனைத்து  விக்கெட்டை இழந்து 221 ரன்கள் அடித்து 64 ரன்கள் வித்தியாசத்தில் தோல்வியடைந்தது.
இந்நிலையில் நேற்று இங்கிலாந்து அணிக்கு எதிரான போட்டியில் ஆஸ்திரேலிய அணியின் வேக பந்து வீச்சாளர் மிட்செல் ஸ்டார்க் 4 விக்கெட்டை பறித்து ஆஸ்திரேலிய அணி வெற்றி பெற பெரும் உதவியாக இருந்தார்.
இப்போட்டியில் மிட்செல் ஸ்டார்க் இங்கிலாந்து அணியின் நட்சத்திர வீரர்கள் ஜோ ரூட் , ஈயின் மோர்கன் இருவரின் விக்கெட்டை ஆட்டம் தொடக்கத்திலே வீழ்த்தினார்.இதனால் இப்போட்டியில் மிட்செல் ஸ்டார்க் 4 விக்கெட்டை வீழ்த்தி நடப்பு உலகக்கோப்பையில்  19 விக்கெட்டை பறித்து உள்ளார்.மேலும்  நடப்பு உலகக்கோப்பையில் அதிக விக்கெட்டை பறித்த வீரர்களில் முதலிடத்தில் உள்ளார்.
19 – மிட்செல் ஸ்டார்க்
16 -ஜோஃப்ரா ஆர்ச்சர்
15 – முகமது அமீர்
14 – லாக்கி பெர்குசன்
13 – மார்க் வூட்