மோடி வீட்டில் எஸ்.பி.பி-க்கு No! ஷாருக்கானுக்கு Yes சொன்ன பாதுகாவலர்கள்! ஏன் இந்த பாரபட்சம்?!

பிரதமர் மோடி வீட்டில் கடந்த மாதம் 29ஆம் தேதி திரை பிரபலங்கள் வரவழைக்கப்பட்டு விருந்தளிக்கப்பட்டது. அந்த விருந்து நிகழ்ச்சியில் பாலிவுட் பிரபலங்களான ஷாருக்கான், அமீர்கான் உள்ளிட்ட பலர் வந்திருந்தனர்.
அவ்விருந்து விழாவில் பின்னணி பாடகர் எஸ்.பி.பாலசுப்ரமணியன் அவர்களும் கலந்துகொண்டார். அவர் மோடி வீட்டிற்கு சென்றபோது, பாதுகாவலர்கள், எஸ்.பி.பியை மறித்து அவரை செக் செய்து, அவரிடம் இருந்த செல்போனை வாங்கிக்கொண்டு டோக்கன் கொடுத்து அனுப்பினர்.
ஆனால், பாலிவுட் பிரபலங்களிடம் இருந்த செல்போன்களை பாதுகாவலர்கள் வாங்கவில்லை. பாலிவுட் பிரபலங்களான அமீர் கான், ஷாருக்கான் ஆகியோர் பிரதமர் மோடியுடன்  செலஃபீ எடுத்து மகிழ்ந்தனர். மோடி வீட்டில் பாதுகாவலர்களால் பாரபட்சத்தோடு நடத்தப்பட்டதை வருத்தத்துடன் தனது இணையதள பக்கத்தில் பதிவிட்டுள்ளார்.