விண்ணிற்கு எறும்புகள்,ஐஸ்கிரீம் மற்றும் ரோபோ கை அனுப்பிய ஸ்பேஸ்எக்ஸ் ….எதற்காக என்று தெரியுமா?..!

ஸ்பேஸ்எக்ஸ் நிறுவனம் எறும்புகள்,அவகோடா பழங்கள், ஐஸ்கிரீம் மற்றும் ரோபோ கை ஆகியவற்றை சர்வதேச விண்வெளி நிலையத்திற்கு அனுப்பியுள்ளது.

முதல் முறையாக ஸ்பேஸ்எக்ஸ் நிறுவனம் எறும்புகள், இறால்கள், வெண்ணெய் ,அவகோடா பழங்கள் மற்றும் மனித கை அளவிலான ரோபோ கைகள், ஜீரோ க்ராவிட்டி ஆராய்ச்சி பொருட்கள், விண்வெளி வீரர்களுக்கான உணவு, ஐஸ் கிரீம் போன்ற ஏராளமான பொருட்களை அதன் ட்ராகன் கார்கோ ஷிப் மூலம் சர்வதேச விண்வெளி நிலையத்தை நோக்கி ஞாயிற்றுக்கிழமை (நேற்று) விண்ணில் ஏவியுள்ளது.

இது ஸ்பேஸ் எக்ஸ் நிறுவனம் நாசா நிறுவனத்திற்காக செய்யும் 23 வது விண்பயணம் ஆகும். மறுசுழற்சி செய்யப்பட்ட பால்கன் ராக்கெட் நாசாவின் கென்னடி விண்வெளி மையத்திலிருந்து இந்த சரக்குகளை சர்வதேச விண்வெளி நிலையம் சென்று ஒப்படைக்க புறப்பட்டது.மேலும்,டிராகன் காப்ஸ்யூலை ஏற்றிய பிறகு, முதல் கட்ட பூஸ்டர் ஸ்பேஸ்எக்ஸின் புதிய கடல் தளத்தில் தரையிறங்கியது.

ட்ராகன் கார்கோ ஷிப்:

டிராகன் ஷிப் பரிசோதனை பொருட்கள்,வெண்ணெய், எலுமிச்சை மற்றும் விண்வெளி நிலையத்தின் ஏழு விண்வெளி வீரர்களுக்கு ஐஸ்கிரீம் ,சர்வதேச விண்வெளி நிலையத்திற்குத் தேவையான உபகரணங்கள் மற்றும் உதிரி பாகங்கள் அடங்கிய 4,800 பவுண்டுகள் (2,170 கிலோகிராம்)அளவுள்ள பொருட்களை எடுத்துச்செல்கிறது.

அதேபோல்,விண்வெளி வீரர்களுக்காகமேற்கண்டவற்றுடன் எலுமிச்சை, வெங்காயம், கட்டி வடிவிலான வெண்ணெய்கள்,தக்காளிகள் போன்றவையும்  விண்வெளிக்கு அனுப்பப்பட்டுள்ளது என்று ஜான்சன் ஸ்பேஸில் விண்வெளி நிலைய திட்ட மேலாளர் ஜோயல் மாண்டல்பானோ கூறினார் கூறியுள்ளார்.

குறிப்பாக, சில ஐஸ்கிரீம்களையும் ஸ்பேஸ்எக்ஸ் ராக்கெட் விண்ணுக்கு அனுப்பியுள்ளது. விண்வெளிக்கு ஐஸ் கிரீம் அனுப்பப்பட்டது இதுவே முதல் முறை ஆகும்.

எறும்புகள் எதற்காக அனுப்பப்பட்டது:

எறும்புகள் எடையற்ற நிலையில் எவ்வாறு சுரங்கப்பாதை அமைக்கும் என்பதைக் கண்டறியவும்,அதன் குணங்கள் பற்றி ஜீரோ கிராவிட்டியில் மதிப்பீடு செய்யவும் அனுப்பப்பட்டுள்ளது.அதேபோல்,விண்வெளியில் தக்காளி,எவ்வாறு வளர்ப்பது என்பதும் ஆய்வு செய்யப்படவுள்ளது.

இதனைத் தொடர்ந்து,எதிர்காலத்தில் விண்வெளி வீரர்களுக்கு புரோட்டீனின் ஆதாரமான உணவு வழங்குவதற்காக கடல் இறால்களை விண்வெளியில் வளர்க்க முடியுமா? என்று ஆராய்ச்சி செய்வதற்காகவும், மேலும்,ஒரு ஜப்பானிய நிறுவனத்தின் சோதனை ரோபோ கை, பொதுவாக விண்வெளி வீரர்களால் செய்யப்படும் சாதாரண வேலைகளை செய்யவும்,பிற பழுதுபார்க்கும் வேலைகளைச் செய்வதறகாகவும் விண்வெளிக்கு எடுத்து செல்லப்படுகிறது.

இது குறித்து,அந்நிறுவனத்தின் தலைமை தொழில்நுட்ப அதிகாரி டொயோட்டகா கோசுகி கூறுகையில்,2025 ஆம் ஆண்டிலேயே, இந்த ஆயுதங்களின் ஒரு குழு சந்திர தளங்களை உருவாக்கவும், நிலத்தை விலைமதிப்பற்ற சுரங்கங்களுக்கு உட்படுத்தவும் உதவும், என்று கூறினார்.

டிராகன் கார்கோ ஷிப் செப்டம்பர் இறுதி வரை விண்வெளி நிலையத்தில் இணைக்கப்பட்டிருக்கும் என்று எதிர்பார்க்கப்படுகிறது.