சிவகார்த்திகேயனுக்கு வில்லனாகும் எஸ்ஜே சூர்யா.! டான் பட வில்லனின் கேரக்டர் அறிவிப்பு.!

சிவகார்த்திகேயனின் டான் படத்தில் வில்லனாக நடிக்கும் எஸ்ஜே சூர்யா பூமிநாதன் என்ற கேரக்டரில் நடிக்க உள்ளதாக அறிவிக்கப்பட்டுள்ளது.

நடிகர் சிவகார்த்திகேயன் நடிப்பில் அடுத்ததாக உருவாகவுள்ள திரைப்படம் டான் . இதனை அட்லியின் உதவி இயக்குனரான சிபி சக்கரவர்த்தி இயக்குகிறார்.இந்த படத்திற்கும் அனிருத் இசையமைப்பதாகவும் சிவகார்த்திகேயனின் தயாரிப்பு நிறுவனத்துடன் இணைந்து லைக்கா நிறுவனம் தயாரிக்க உள்ளதாகவும் அறிவிக்கப்பட்டது. அதற்கான ஒரு வீடியோவும் வெளியாகி ரசிகர்களுக்கு மத்தியில் பலத்த வரவேற்பு கிடைத்தது.

கல்லூரி பின்னணியில் உருவாகும் டான் படத்தில் நடிகரும், இயக்குனருமான எஸ்ஜே சூர்யா மற்றும் நடிகை பிரியங்கா அருள் மோகன், நடிகர் சூரி, நடிகர் சமுத்திரக்கனி, ஆகியோர் நடிக்கவுள்ளனர்.அதனை தொடர்ந்து டான் படத்தில் முனீஷ்காந்த்,காளி வெங்கட் மற்றும் பாலா ஆகிய மூன்று காமெடி நடிகர்களும் இணைந்துள்ளதாக அறிவிக்கப்பட்டிருந்தது. மேலும் குக் வித் கோமாளி பிரபலம் ஷிவாங்கி ,ஆர்ஜே விஜய் ஆகியோரும் டான் படத்தில் நடிக்கவுள்ளதாக அறிவித்திருந்தனர் .

சமீபத்தில் இந்த படத்தின் படப்பிடிப்பு பூஜையுடன் தொடங்கியது .இந்த நிலையில் நேற்று முதல் டான் படத்தின் படப்பிடிப்பில் எஸ்ஜே சூர்யா கலந்து கொண்டுள்ளார்.அவரை மலர் கொத்து கொடுத்து படக்குழுவினர் வரவேற்றுள்ளனர் . அதனுடன் எஸ்ஜே சூர்யா வில்லனாக பூமிநாதன் என்ற கேரக்டரில் நடிக்க உள்ளதாகவும்,இதுவரை தமிழ் சினிமா பார்க்காத வித்தியாசமான வில்லன் கேரக்டர் இது என்றும் படக்குழுவினர் தெரிவித்துள்ளனர்.இது ரசிகர்களைடையே படத்தின் மீதான எதிர்பார்ப்பை அதிகரிக்க செய்துள்ளது .

#Boominathan @iam_SJSuryah joined in the set of #DON ????today@Siva_Kartikeyan @anirudhofficial @priyankaamohan @dop_bhaskaran @thondankani @sooriofficial @RJVijayOfficial @kaaliactor @Bala_actor @KalaiArasu_ @SKProdOffl @Dir_Cibi @DONMovieOffl @Inagseditor @anustylist pic.twitter.com/pSARglSnK5

— Lyca Productions (@LycaProductions) February 15, 2021