ஓடிடியில் வெளியாகிறதா ‘நிசப்தம்’.!

நடிகை அனுஷ்காவின் நிசப்தம் படத்தை ஓடிடி பிளாட்பாரத்திற்கு ரூ. 25 கோடிக்கு விற்றுள்ளதாக தகவல்கள் வெளியாகியுள்ளன.

நடிகை அனுஷ்கா நடித்து முடித்து வெளியாக காத்திருக்கும் ஒரு திரில்லர் கலந்த படம் நிசப்தம். . இந்த படத்தை ஹேமந்த் மதுகர் இயக்கியுள்ளார். அனுஷ்காவுடன் இணைந்து நடிகர் மாதவன், அஞ்சலி, மைக்கேல் மேட்சன், சுப்புராஜ், ஷாலினி பாண்டே மற்றும் ஸ்ரீனிவாஸ் அவசரளா உள்ளிட்டோர் முக்கிய வேடங்களில் நடித்துள்ளனர். இப்படத்திற்கு கோபி சுந்தர் இசையமைத்துள்ளார். இந்த படத்தை பீப்ள் மீடியா ஃபாக்ட்றி தயாரிக்கிறது.

மேலும் இந்த படத்தை தெலுங்கு ஆங்கிலம், தமிழ் மற்றும் இந்தி ஆகிய மொழிகளில் ரீமேக் செய்து வெளியிட திட்டமிட்டுள்ளனர்.இந்த படத்தின் டிரைலர் சமீபத்தில் வெளியாகி ரசிகர்களை மிரள வைத்தது. சமீபத்தில் இந்த படத்தை ஓடிடியில் வெளியிடவுள்ளதாக செய்திகள் வெளியானதை அடுத்து படத்தின் இயக்குனர் திரையரங்குகளில் தான் முதலில் வெளிவரும் என்று கூறியிருந்தார். மேலும் தமிழ், தெலுங்கு மொழியில் உருவாகும் நிசப்தம் படத்திற்கு ‘யூஏ’ சான்றிதழ் வழங்கி சென்சார் ஆகியதை அடுத்து முதலில் இந்த படம் தியேட்டரில் தான் வெளியிடப்படும் என்பது கிட்டதட்ட உறுதி செய்யப்பட்டது.

இந்த நிலையில் தற்போது நிசப்தம் படத்தை ஓடிடியில் வெளியிட படக்குழுவினர் திட்டமிட்டுள்ளதாகவும், படத்தை ரூ. 25 கோடிக்கு விற்றிருப்பதாகவும் தெலுங்கு இணையதளங்களில் தகவல்கள் வெளியாகியுள்ளன. ஆனால் இதனை குறித்த எந்த அதிகாரப்பூர்வ அறிவிப்பையும் படக்குழுவினர் கூறவில்லை என்பது குறிப்பிடத்தக்கது.