பொருளாதார நெருக்கடியில் சிக்கிய பிரேசில்.. திறக்கப்பட்ட வணிகவளாகங்கள், பேரங்காடிகள்

பிரேசில் நாட்டில் 2 மாதங்களுக்கு பின் பேரங்காடிகள் திறக்கப்பட்டதால், அங்கு மக்கள் வரிசையாக நின்று பொருட்களை வாங்கி செல்கின்றனர்.

சீனா, வுஹான் நகரில் பரவ தொடங்கிய கொரோனா வைரஸ், தற்பொழுது உலகையே ஆட்டி படைக்கிறது. உலகளவில் கொரோனா வைரஸின் தாக்கத்தால் பிரேசில் 2 ஆம் இடத்தை பிடித்துள்ளது. இதன்காரணமாக அங்கு கடுமையான ஊரடங்கு உத்தரவு பிறப்பிக்கப்பட்டுள்ளது.

இந்நிலையில், அந்நாட்டில் ஏற்பட்டுள்ள பொருளாதார நெருக்கடி காரணமாக, அங்கு வணிக வளாகங்கள் மற்றும் பேரங்காடிகளை பிற்பகல் 12 மணிமுதல் இரவு 8 மணி வரை திறக்க அந்நாட்டு அரசு உத்தரவித்துள்ளது. மேலும், அந்நாட்டில் 2 மாதங்களுக்கு பின் பேரங்காடிகள் திறக்கப்பட்டதால், அங்கு மக்கள் வரிசையாக நின்று பொருட்களை வாங்கி செல்கின்றனர். இதனால் அங்கு கொரோனா தடுப்பு நடவடிக்கை தீவிரப்படுத்தப்பட்டுள்ளது.