ஷில்பா ஷெட்டியின் கணவர் ஜாமீன் மனு தள்ளுபடி.!

நடிகை ஷில்பா ஷெட்டியின் கணவர் ராஜ்குந்த்ராவின் ஜாமீன் மனுவை தள்ளுபடி செய்தது மும்பை உயர்நீதிமன்றம். 

பிரபல பாலிவுட் நடிகையான ஷில்பா ஷெட்டியின் கணருவம், தொழிலதிபருமான ராஜ் குந்த்ரா, மும்பையில், ஆபாசப் படங்களைத் தயாரித்து, அதனை செல்போன் செயலி மூலம் விநியோகம் செய்ததாக மும்பை குற்றப்பிரிவு போலீசாரால் கடந்த மாதம் 19-ஆம் தேதி கைது செய்யப்பட்டார். இந்த வழக்கில் ராஜ் குந்த்ரா எதிராக அணைத்து சான்றுகள் இருந்ததால் அவர் கைது செய்யப்பட்டார்.

இந்த நிலையில், ராஜ்குந்த்ரா ஜாமீன் வழங்கக்கோரி மும்பை உயர் நீதிமன்றத்தில் மனு தாக்கல் செய்திருந்தார். மனுவில் , “சிறையில் இருந்து தன்னை உடனடியாக விடுவிக்க வேண்டும்” என்று தெரிவிக்கப்பட்டிருந்தது. இந்த மனுவை இன்று விசாரித்த மும்பை உயர் நீதிமன்ற நீதிபதிகள் அவரது மனுவை தள்ளுபடி செய்து உத்தரவிட்டனர்.