சசிகுமாருக்கு ஜோடியாகும் ஹரிப்பிரியா.?
சத்யா சிவா இயக்கும் புதிய படத்தில் சசிகுமாருக்கு ஜோடியாக நடிகை ஹரிப்பிரியா நடிக்கவுள்ளதாக கூறப்படுகிறது.
கழுகு பட இயக்குனர் சத்யா சிவா இயக்கும் அடுத்த படத்தில் நடிகர் சசிகுமார் நடிக்கவுள்ளார். ஏற்கனவே சசிகுமார் நடிப்பில் எம்ஜிஆர்மகன் படத்தில் நடித்து முடித்துள்ளார். திரையரங்குகள் திறந்தவுடன் இந்த படத்தின் ரிலீஸ் தேதி அறிவிக்கப்படும் என்று கூறப்படுகிறது. அதைபோல் சூர்யா தயாரிப்பில் ஜோதிகாவுடன் உடன்பிறப்பே படத்தில் நடித்து முடித்துள்ளார். இந்த திரைப்படம் அமேசான் பிரேமில் வருகின்ற அக்டோபர் மாதம் வெளியாகவுள்ளது.
இந்த படங்களை தொடர்ந்து சத்யா சிவா இயக்கும் படத்தில் நடிக்கவுள்ளார். இந்த படத்திற்கு இசையமைப்பாளர் பிரசன்னா இசையமைத்து வருகிறார். படத்திற்கான படப்பிடிப்பு விரைவில் தொடங்கப்படவுள்ளது.
இந்நிலையில், இந்த திரைப்படத்தில் சசிகுமாருக்கு ஜோடியா நடிகை ஹரிப்பிரியா நடிக்கவுள்ளதாக தகவல்கள் கிடைத்துள்ளது. இவர் ஏற்கனவே தமிழில், கனகவேல் காக்க, முரண் ஆகிய படங்களில் நடித்திருந்தார். அதனை தொடர்ந்து கன்னடத்தில் சில படங்களில் நடித்துள்ளார் என்பது குறிப்பிடத்தக்கது.
