சார்பட்டா தமிழ் சினிமாவின் கெளரவம் – ஸ்ரீமன் பாராட்டு.!

சார்பட்டா பரம்பரை படத்தை பார்த்துவிட்டு நடிகர் ஸ்ரீமன் தனது ட்வீட்டர் பக்கத்தில் பாராட்டியுள்ளார். 

இயக்குனர் பா.ரஞ்சித் இயக்கத்தில் நடிகர் ஆர்யா நடிப்பில் வெளியான திரைப்படம் சார்பட்டா பரம்பரை. இந்த படத்தில் ஆர்யாவிற்கு ஜோடியாக நடிகை துஷ்ரா விஜயன் நடித்திருந்தார். மேலும் கலையரசன், பசுபதி, ஷபீர், ஜான் கோக்கன், போன்ற பல பிரபலங்கள் முக்கியமான கதாபாத்திரத்தில் நடித்திருந்தனர். படத்திற்கு இசையமைப்பாளர் சந்தோஷ் நாராயணன் இசையமைத்துள்ளார்.

இந்நிலையில், கொரோனா பரவல் காரணமாக திரையரங்குகள் மூடப்பட்டுள்ளதால் இந்த படம் நேரடியாக கடந்த 22-ஆம் தேதி அமேசான் பிரேமில் வெளியானது. இந்த படத்தை பார்த்து வரும் ரசிகர்கள் படம் அருமையாக உள்ளது என்று தங்களது கருத்துக்களை கூறிவருகின்றார்கள். அதைபோல் சினிமா பிரபலங்களும் படத்தை பார்த்துவிட்டு தங்களது கருத்துக்களை சமூக வலைத்தளத்தில் கூறிவருகிறார்கள்.

அந்த வகையில், நடிகர் ஸ்ரீமன் தனது ட்வீட்டர் பக்கத்தில் ” சர்பட்டா இந்த படம் திரைப்பட ஆர்வலர்களிடமிருந்து மரியாதை பெற்றுள்ளது, இது திரைப்பட தயாரிப்பாளர்கள் திரைப்பட இயக்குனர்கள் திரைப்பட நடிகர்கள் திரைப்பட தொழில்நுட்ப வல்லுநர்களுக்கு கெளரவம் மரியாதை அளித்துள்ளது, தமிழ் சினிமாவின் கெளரவம் சார்பட்டா. இது காவியம் வாழ்க்கை ஹாட்ஸ் ஆஃப் ரஞ்சித்” என்று பாராட்டியுள்ளார்.

சர்பட்டா இந்த படம் திரைப்பட ஆர்வலர்களிடமிருந்து மரியாதை பெற்றுள்ளது, இது திரைப்பட தயாரிப்பாளர்கள் திரைப்பட இயக்குனர்கள் திரைப்பட நடிகர்கள் திரைப்பட தொழில்நுட்ப வல்லுநர்களுக்கு கெளரவம் மரியாதை அளித்துள்ளது, தமிழ் சினிமாவின் கெளரவம் *SARPATTA* இது காவியம் வாழ்க்கை hats off RANJITH

— actor sriman (@ActorSriman) August 1, 2021