சமந்தா ரொம்ப பிடிக்கும்… அதுல்யா அழகு..! – சாந்தனு.!

முருங்கைக்காய் சிப்ஸ் படத்தின் இசை வெயிட்டு விழாவில் அதுல்யா ரவியை சாந்தனு புகழ்ந்து பேசியுள்ளார்.

இயக்குனர் பாக்கியராஜின் மகனும் நடிகருமான சாந்தனு தற்போது சில படங்களில் நடித்து வருகிறார். அதில் ஒன்று முருங்கைக்காய் சிப்ஸ். காதல் கதையை மையமாக வைத்து எடுக்கப்பட்டுள்ள இந்த படத்தை இயக்குனர் ஸ்ரீஜர் இயக்கியுள்ளார். இசையமைப்பாளர் தரன் குமார் இசையமைத்துள்ளார்.

படத்திலிருந்து வெளியான பாடல்கள் அனைத்தும் ரசிகர்களுக்கு மத்தியில் ஒரு பலத்த வரவேற்பை பெற்றுள்ளது. அடுத்ததாக படத்தின் ரிலீஸ் தேதிக்காக ரசிகர்கள் காத்துள்ளனர். படத்தின் படப்பிடிப்புகள் அனைத்தும் முடிவடைந்து டப்பிங் பணிகள் மற்றும் இறுதிக்கட்ட பணிகள் விறு விறுப்பாக நடைபெற்று வருகிறது.

இந்நிலையில், இந்த படத்தின் இசை வெளியிட்டு விழா சென்னையில் நடைபெற்றது. விழாவில், நடிகை அதுல்யா ரவி, சாந்தனு, பாக்கியராஜ், யோகி பாபு, தரண்குமார், உள்ளிட்ட பலர் கலந்து கொண்டார்கள்.

அதில் பேசிய சாந்தனு ” எனக்கு சமந்தா பல வருடங்களுக்கு முன்பு நல்ல தோழி..அவர் நடிக்க வந்த புதுசுல.. அப்புறம் அப்படியே பெரிய கதாநாயகியாகிட்டாங்க.. அப்புறம் நடுவுல கொஞ்சம் கேப் ஆய்டிச்சி.. ஆனால் சமந்தா நடிக்க வந்த போது நான் சொன்ன நீங்க அழகா இருக்கீங்க..முக்கியமான தமிழ் பேசுறீங்க… கண்டிப்பாக வெற்றி கிடைக்கும் என்று கூறினேன்… அதேதான் நான் அதுல்யாவிடம் பார்க்கிறேன்.. அழகா இருக்கீங்க தமிழ் பேசுறீங்க… வாழ்த்துக்கள் அதுல்யா” என தெரிவித்துள்ளார்.