இந்தியாவுடன் கைகோர்த்து தடுப்பூசியை உற்பத்தி செய்ய ரஷ்யா விருப்பம்.!

ஸ்பூட்னிக்-வி தடுப்பூசியை பெருமளவில் உற்பத்தி செய்ய இந்தியாவுடன் கைகோர்க்க விருப்பம் உள்ளது. அதனை உற்பத்தி செய்யும் திறன் இந்தியாவிடம் உள்ளது. – ஆர்.டி.எஃப் தலைவர் டிமிட்ரி.

ரஷ்யா அண்மையில், தன் நாட்டு ஆராய்ச்சியாளர்களால் கண்டுபிடிக்கப்பட்ட ஸ்பூட்னிக்-வி எனும் கொரோனா தடுப்பூசியை அண்மையில் அறிமுகப்படுத்தியது. உலகின் முதல் கொரோனா தடுப்பூசி என அந்நாட்டு அதிபதி விளாடிமிர் புடின் தெரிவித்து வருகிறார்.

இந்த ஸ்பூட்னிக்-வி எனும் தடுப்பூசியை கமாலெயா நிறுவனம், ஆர்.டி.எஃப் உடன் இணைந்து உருவாக்கியது. இது தொடர்பாக ஆர்.டி.எஃப் தலைவர் டிமிட்ரி தனது டிவிட்டர் பக்கத்தில் பதிவிடுகையில், ‘ கொரோனா தடுப்பூசியை கண்டுபிடிக்க லத்தீன், அமெரிக்கா, ஆசிய நாடுகள், மத்திய கிழக்கு நாடுகள் ஆகியவை தீவிரம் காட்டி வருகின்றன.’

மேலும், ‘ ஸ்பூட்னிக்-வி தடுப்பூசியை ரஷ்யாவை போல பல்வேறு நாடுகளில் சோதனை மேற்கொள்ள உள்ளோம். ஸ்பூட்னிக்-வி தடுப்பூசியை பெருமளவில் உற்பத்தி செய்ய இந்தியாவுடன் கைகோர்க்க விருப்பம் உள்ளது. அதனை உற்பத்தி செய்யும் திறன் இந்தியாவிடம் உள்ளது. தடுப்பூசியை உற்பத்தி செய்வதில் ரஷ்யா சர்வதேச நாடுகளின் உதவியை நாடுகிறது.’ என பதிவிட்டுள்ளார்.