டான்சிங் ரோஸ்- இன் மிரட்டலான “தீம் மியூசிக்” வெளியீடு.!

சார்பேட்டா பரம்பரை படத்தில்டான்சிங் ரோஸ்க்கான தீம் மியூசிக்கை இசையமைப்பாளர் சந்தோஷ் நாராயணன் வெளியிட்டுள்ளார். 

நடிகர் ஆர்யா நடிப்பில் இயக்குனர் பா.ரஞ்சித் இயக்கத்தில் வெளியான திரைப்படம் சார்பேட்டா பரம்பரை. வடசென்னையில் நடக்கும் குத்துச்சண்டையை மையமாக வைத்து இந்த படம் உருவாகியுள்ளது. இந்த திரைபடத்தில் கலையரசன், பசுபதி, ஜான், ஷபீர் கல்லரக்கல் போன்ற பல பிரபலங்கள் முக்கியமான கதாபாத்திரத்தில் நடித்துள்ளனர். இந்த திரைப்படம் திரையரங்குகள் மூடப்பட்டதால் கடந்த 22- ஆம் தேதி நேரடியாக அமேசான் பிரேமில் வெளியானது.

திரைப்படத்தை பார்த்த ரசிகர்கள் அனைவரும் படம் மிகவும் அருமையாக உள்ளதாக தங்களது கருத்துக்களை கூறி வருகின்றார்கள். அதைபோல் பல சினிமா பிரபலங்களும் படத்தை பார்த்துவிட்டு தங்களது கருத்துக்களை சமூக வலைத்தளத்தில் கூறிவருகின்றார்கள்.

இந்த திரைப்படத்தில் ஷபீர் நடித்த டான்சிங் ரோஸி கதாபாத்திரம் ரசிகர்களுக்கு மத்தியில் நல்ல வரவேற்பை பெற்று பெரிதளவில் பேசப்பட்டது. இந்த நிலையில், தற்போது டான்சிங் ரோஸ் தீம் மியூசிக்கை இசையமைப்பாளர் சந்தோஷ் நாராயணன் வெளியிட்டுள்ளார்.