குரங்கணி காட்டுத்தீயில் சிக்கி உயிரிழந்தவர்களின் உடலை ஹெலிகாப்டர் மூலம் மீட்கும் பணி தீவிரம்!

காட்டுத்தீ விபத்தில் சிக்கி இதுவரை 9 பேர் உயிரிழந்ததாக தேனி மாவட்ட ஆட்சியர் மரியம் பல்லவி பல்தேவ் அதிகாரப்பூர்வமாக தெரிவித்தார். இவர்களுள் சென்னையை சேர்ந்தவர்கள் 6 பேர் என்பதும், ஈரோடு மாவட்டத்தை சேர்ந்தவர்கள் 3 பேர் என்பதும் தெரியவந்துள்ளது.

இந்நிலையில், டெல்லியில் இன்று (திங்கள்கிழமை) செய்தியாளர்களை சந்தித்த நிர்மலா சீதாராமன் கூறியதாவத:

“நள்ளிரவு 3 மணிக்கு 16 கமாண்டோக்கள் குரங்கணி மலைப்பகுதிக்கு சென்று காயமடைந்தவர்களுக்கு உதவினர். இரவு நேரத்தில் சிலர் மீட்கப்பட்டனர். தற்போது, காட்டுத்தீயில் சிக்கி உயிரிழந்தவர்களின் உடலை ஹெலிகாப்டர் மூலம் மீட்கும் பணி நடைபெற்று வருகிறது. மலைப்பகுதியிலிருந்து உடல்களை கீழே கொண்டு வருவதில் 2 ஹெலிகாப்டர்களும், தீயை அணைப்பதில் ஒரு ஹெலிகாப்டரும் ஈடுபட்டுள்ளன. மலை செங்குத்தாக இருப்பதால் கீழே இறங்கி மீட்பு பணி மற்றும் காப்பாற்றுவதில் சிறிது சிரமம் ஏற்பட்டுள்ளது” என தெரிவித்தார்.

மேலும் செய்திகளுக்கு தினச்சுவடுடன் இணைந்திருங்கள்.