நடிகர் தவசிக்கு உதவ முன்வந்த ரஜினிகாந்த்.!

புற்றுநோயால் பாதிக்கப்பட்டு சிகிச்சை பெற்று வரும் நடிகர் தவசியின் உடல்நலத்தை குறித்து ரஜினிகாந்த் மேலாளர் வாயிலாக கேட்டறிந்துள்ளதாக தகவல்கள் வெளியாகியுள்ளன.

வருத்தப்படாத வாலிபர் சங்கம், ரஜினிமுருகன், கொம்பன் உள்ளிட்ட வெற்றி திரைப்படங்களில் நடித்து பிரபலமான நடிகர் தவசி தற்போது முகத்தில் மீசை இன்றி, முடியின்றி மிகவும் மெலிந்து எலும்பும் தோலுமாக காணப்படுகிறார் . புஉணவுக்குழாய் ற்றுநோயால் பாதிக்கப்பட்ட இவர் சிகிச்சைக்கு பணமின்றி அவதிப்படுவதாக தகவல்கள் வெளியானதை அடுத்து அவருக்கு தமிழ் திரையுலகில் உள்ளவர்கள் உதவ கோரி வேண்டுகோள் விடுத்திருந்தார்.

அதனை தொடர்ந்து திருப்பரங்குன்றம் திமுக எம்எல்ஏ-ஆன மருத்துவர் சர்வணன் தனது மருத்துவமனையில் தவசியை அனுமதித்து சிகிச்சை அளித்து வருகிறார். மேலும் பல பிரபலங்கள் தங்களால் இயன்ற தொகையை வழங்கி உதவி வருகின்றனர். ஏற்கனவே சூரி சிவகார்த்திகேயன் மற்றும் விஜய் சேதுபதி ஆகியோர் நிதியுதவி வழங்கி உதவியது குறிப்பிடத்தக்கது.

இந்த நிலையில் தற்போது நடிகர் ரஜினிகாந்த் அவர்களும் தவசிக்கு உதவ முன் வந்துள்ளதாக தகவல்கள் வெளியாகியுள்ளன. அதாவது ரஜினிகாந்த் அவர்களின் மேலாளர் , ரஜினி கூறியதன் அடிப்படையில் தவசியின் உடல்நலத்தை குறித்தும் , சிகிச்சை குறித்தும் விசாரித்ததுடன் , அவருக்கு சார் உதவி செய்ய தயாராக இருப்பதாகவும் தவசியின் குடும்பத்திடம் கூறியதாக தகவல்கள் வெளியாகியுள்ளன.