“Man Vs Wild” நிகழ்ச்சியில் ரஜினிக்கு சிறிய காயம்…?
- பந்திப்பூர் வனப்பகுதியில் ‘Man Vs Wild’ நிகழ்ச்சி படப்பிடிப்பின் போது ரஜினிக்கு சிறிய காயம் ஏற்பட்டதாக ஏ.என்.ஐ நிறுவனம் கூறியதாக தகவல் வெளியாகி உள்ளது.
- இந்த நிகழ்ச்சிக்காக இன்று முதல் ரஜினிகாந்த் காட்டுப்பகுதியில் 2 நாட்கள் தங்கியிருந்து படப்பிடிப்பில் கலந்துகொண்டு உள்ளார்.
பந்திப்பூர் வனப்பகுதியில் ‘Man Vs Wild’ நிகழ்ச்சி படப்பிடிப்பின் போது ரஜினிக்கு சிறிய காயம் ஏற்பட்டதாக ஏ.என்.ஐ நிறுவனம் கூறியதாக தகவல் வெளியாகி உள்ளது.டிஸ்கவரி சேனலில் ஓளிபரப்பாகும் புகழ் பெற்ற நிகழ்ச்சி மேன் vs வைல்ட் . இந்த நிகழ்ச்சியை பியர் கிரில்ஸ் தொகுத்து வழங்கி வருகிறார்.
இவர் காடு , வன உயிரினங்கள் மற்றும் வன விலங்குகளின் குணங்களை பற்றி விளக்கி வருகிறார்.காட்டுக்குள் நாம் சிக்கி கொண்டால் காட்டில் எப்படிஉயிர் பிழைப்பது ,எப்படி காட்டுக்குள் உயிர் வாழ்வது போன்றவை பற்றி இந்த நிகழ்ச்சி மூலம் விளக்கி வருகிறார்.
கடந்த ஆண்டு இந்த மேன் vs வைல்ட் நிகழ்ச்சியில் பிரதமர் மோடி , பியர் கிரில்ஸ் உடன் காட்டுக்குள் பயணம் மேற்கொண்டார்.இந்த நிகழ்ச்சி டிஸ்கவரி சேனலில் ஒளிபரப்பாகி நல்ல வரவேற்பை பெற்றது.
இந்நிலையில் நடிகர் ரஜினிகாந்த், பிரதமர் மோடியை போல பியர் கிரில்ஸியுடன் “மேன் vs வைல்ட்” நிகழ்ச்சியில் கலந்து கொள்கிறார். இதற்கான படப்பிடிப்பு கர்நாடகா மாநிலத்தில் உள்ள பண்டிபுர் புலிகள் காப்பகத்தில் நடைபெறுகிறது. இந்த நிகழ்ச்சிக்காக இன்று முதல் ரஜினிகாந்த் காட்டுப்பகுதியில் 2 நாட்கள் தங்கியிருந்து படப்பிடிப்பில் கலந்துகொள்கிறார்.
