விராத் கோலியின் சாதனைகளை தூக்கி சாப்பிட்ட பிரிதிவி ஷா!சாதனைக்கு மேல் சாதனை …..

 விராத்  கோலியின் சாதனையை முறியடித்த இந்திய யு-19 கேப்டன் பிரித்வி ஷா.

இந்திய U-19 அணியின் கேப்டன் பிரித்வி ஷாவும், துணைக் கேப்டன் சுப்மான் கில்லும் லீக் ஆட்டங்களில் தலைமைப் பொறுப்பையும், பேட்டிங் பொறுப்பையும் உணர்ந்து மிகச்சிறப்பாகச் செயல்பட்டனர். இறுதிப்போட்டியில்  கல்ராவின் சதம் முத்தாய்ப்பாக அமைந்து எளிதான வெற்றிக்கு உதவியது.

•  இதுநாள் வரை யு-19 உலகக்கோப்பையை எந்த அணியும் 3 முறைக்கு மேல் வென்றது இல்லை. இதில் முதல் முறையாக இந்திய அணி 4-வது முறையாக கோப்பையை வென்று வரலாற்று சாதனை படைத்துள்ளது.
•  இந்திய வீரர் அனுகுல் ராய் இறுதிப் போட்டியில் 2 விக்கெட் வீழ்த்தியதன் மூலம், உலகக்கோப்பைப் போட்டியில் அதிக விக்கெட் வீழ்த்தியவர்கள் பட்டியலில் இணைந்தார். குவாஸிஸ் அகமது, பைசல் ஜாம்காந்தி ஆகியோர் 14 விக்கெட்டுகள் வீழ்த்தி இருந்தனர் அவர்களுடன் அனுகுல் ராய் இணைந்தார்.
•  இந்த தொடரில் முதல் முறையாக சுப்மான் கில் அரைசதம் அடிக்கும் முன்பாகவே ஆட்டமிழந்தார்.
•  யு-19 உலகக் கோப்பைப் போட்டியில் இந்திய அணி இதுவரை ஆஸ்திரேலியாவுடன் நாக்அவுட் சுற்றில் 5 முறை மோதி அனைத்து போட்டிகளிலும் வெற்றி பெற்றுள்ளது.
•  ஒட்டுமொத்தமாக ஆஸ்திரேலியாவுடன் 17 போட்டிகளில் மோதிய இந்திய அணி 15 போட்டிகளில் வெற்றி பெற்றுள்ளது.
•  யு-19 உலகக்கோப்பைப் போட்டியில் இளம் வயதில்(18வயது, 86 நாள்) கேப்டனாகப் பங்கேற்று கோப்பையை வென்று கொடுத்த கேப்டன் எனும் பெருமையை பிரித்வி ஷா பெற்றார். இதற்கு முன் மிட்ஷெல் மார்ஷ் 18வயது, 102 நாட்கள் ஆனபோது இந்த சாதனையை செய்து இருந்தார்.
•  கேப்டனாகப் பொறுப்பு ஏற்று அனைத்து போட்டிகளிலும் வெற்றி பெற்ற வீரர் என்ற சாதனையை கோலி மட்டுமே யு-19 போட்டியில் பெற்று இருந்தார். அந்த சாதனையை பிரித்வி ஷா சமன் செய்தார்.
•  இந்த போட்டித் தொடரில் சுப்மான் கில்லின் சராசரி 124 ஆகும். இந்த தொடரில் ஒரு சதமும், 3 அரைசதமும் அடித்துள்ளார்.
•  யு-19 உலகக்கோப்பையில் கேப்டனாகப் பொறுப்பு ஏற்று அதிக ரன்கள் சேர்த்தவர் என்ற பட்டியலில் உன்முக்த் சந்த், விராத் கோலி ஆகியோரின் சாதனையை பிரித்வி ஷா முறியடித்துள்ளார். பிரித்வி 261 ரன்கள் சேர்த்தார்.
•  உலகக்கோப்பை போட்டித் தொடரில் 2-வது அதிகபட்ச ரன் சேர்த்தவராக சுப்மான் கில் இடம்பெற்றார். இவர் 372 ரன்கள் சேர்த்தார். சிகார் தவான் 505 ரன்கள் சேர்த்து முதலிடத்தில் உள்ளார்.

மேலும் செய்திகளுக்கு தினச்சுவடுடன் இணைந்திருங்கள்.