மத்திய பிரதேசத்திற்கு பறந்த பொன்னியின் செல்வன் படக்குழு – வெளியான புதிய புகைப்படம்.!

by பால முருகன்Posted on August 18, 2021

பொன்னியின் செல்வன் படக்குழு படப்பிடிப்புக்காக மத்திய பிரதேசம் விரைந்துள்ளது.

இயக்குனர் மணிரத்னம் இயக்கத்தில் பிரமாண்ட பட்ஜெட்டில் பிரமாண்டமாக உருவாகி வரும் திரைப்படம் பொன்னியின் செல்வன். ஜெயம் ரவி, கார்த்தி, விக்ரம் பிரபு, விக்ரம், ஐஸ்வர்யா ராய், ஐஸ்வர்யா லட்சுமி, த்ரிஷா, சரத்குமார், ரியாஸ் கான், அர்ஜுன் சிதம்பரம், பிரபு, போன்ற பல பிரபலங்கள் இந்த திரைப்படத்தில் முக்கியமான கதாபாத்திரத்தில் நடித்து வருகின்றார்கள்.

பிரமாண்டமாக உருவாகி வரும் இத்திரைப்படத்தின் முதல் பாகம் 2022 ஆம் ஆண்டு வெளியாக உள்ளது. இதுவரை 80 சதவீத திரைப்பட ஷூட்டிங் நிறைவடைந்துள்ளது. தற்போது பொன்னியின் செல்வன் படக்குழு மத்திய பிரதேசம் விரைந்துள்ளது. அந்த ஷூட்டிங்கில் கார்த்தி, பிரகாஷ்ராஜ் நடிக்கும் முக்கிய காட்சிகள் படமாக்கப்பட உள்ளன.