பிலிப்பைன்ஸ் சூறாவளி: 75 பேர் உயிரிழப்பு..?

பிலிப்பைன்ஸ் சூறாவளியில் 75 பேர் உயிரிழந்துள்ளதாக அதிகாரிகள் தெரிவித்துள்ளனர்.

பிலிப்பைன்ஸின் தெற்கு மற்றும் மத்திய மாகாணங்களில் பேரழிவை ஏற்படுத்திய ‘ராய்’ என்ற புயல் வெள்ளிக்கிழமை இரவு தென் சீனக் கடலை நோக்கி நகர்ந்துள்ளதாக தகவல்கள் தெரிவிக்கின்றன. இந்த புயல் காரணமாக மூன்று லட்சத்துக்கும் மேற்பட்ட மக்கள் பாதுகாப்பான இடங்களுக்கு அனுப்பி வைக்கப்பட்டனர். புயல் தாக்கும் முன் செய்த முன்னேற்பாடுகளால் பல உயிர்கள் காப்பாற்றப்பட்டதாக அதிகாரிகள் தெரிவித்தனர்.

இருப்பினும் பிலிப்பைன்ஸின் மத்தியப் பகுதியில் வீசிய சக்தி வாய்ந்த புயல் காரணமாக மாகாணம் முழுவதும் நேற்று 31 பேர் உயிரிழந்தனர். தகவல் தொடர்பு மற்றும் மின்சார சேவைகள் சேதமடைந்தன. ராய் புயல் மணிக்கு 195 கிலோமீட்டர் வேகத்தில் காற்று வீசியதாகவும், அதிகபட்சமாக மணிக்கு 270 கிலோமீட்டர் வேகத்தில் காற்று வீசியதாகவும் தகவல்கள் தெரிவிக்கின்றன.

குறைந்தபட்சம் 31 பேர் இறந்துள்ளதாகவும் பெரும்பாலானவர்கள் மரங்கள் விழுந்து விழுந்து இறந்துள்ளதாகவும் பேரிடர் மீட்பு நேற்று தெரிவித்தது. பிலிப்பைன்ஸில் புயலால் பாதிக்கப்பட்ட முதல் மாகாணங்களில் தினாகத் தீவு ஒன்றாகும். இந்நிலையில், பிலிப்பைன்ஸ் சூறாவளியில் 75 பேர் உயிரிழந்துள்ளதாக அதிகாரிகள் தகவல் தெரிவித்துள்ளனர்.