நடிகை கவுதமி வீட்டின் சுவரேறி குதித்த மர்ம நபர்!

நடிகை கவுதமி வீட்டின் சுவரேறி குதித்த மர்மநபரால் அங்கு பதற்றம் நிலவியது.

தமிழ் சினிமாவில் பல படங்களில் கதாநாயகியாக தனது அற்புதமான நடிப்பை வெளிக்காட்டியவர், நடிகை கவுதமி. சென்னை கிழக்கு கடற்கரை சாலை, கொட்டிவாக்கம், வெங்கடேஸ்வரா நகரில் தனது மகளுடன் வசித்து வருகிறார். இந்தநிலையில், நேற்று அதிகாலையில் அவரின் வீட்டின் சுற்றுச்சுவரை ஏறி குதித்து மர்மநபர் ஒருவர் உள்ளே நுழைந்தார்.

இதனை பார்த்த பணிப்பெண்கள், அந்த நபரை பிடித்து நீலாங்கரை காவல் நிலயத்தி ஒப்படைத்தனர். இதனால் அங்கு சிறிது நேரம் பதற்றம் ஏற்பட, அதன்பின் அவர் மீது புகாரளித்தனர். புகாரின் அடிப்படையில் விசாரணை நடத்திய போலீசார், அவர் கொட்டிவாக்கம் மீனவ பகுதியை சேர்ந்த பாண்டியன் என்பது தெரியவந்தது. அவர் காதம்பரி பிக்சர்ஸ் படத் தயாரிப்பு நிறுவனத்தில் வேலை பார்த்து வருவதாகவும், மது போதையில் சுவரேறி குதித்ததாக போலீசார் தெரிவித்தனர். அவர் மீது இரண்டு பிரிவுகளில் வழக்குப்பதிவு செய்து, விடுவித்தனர்.