அதிரடி காட்டிய ஹரிஸ் , பாபர் ஆசாம்!309 ரன்கள் இலக்காக வைத்த பாகிஸ்தான்

இன்றைய போட்டியில் பாகிஸ்தான் அணியும் , தென்னாப்பிரிக்கா அணியும்  மோதி வருகிறது.இப்போட்டி லண்டனில் உள்ள லார்ட்ஸ் மைதானத்தில் நடைபெறுகிறது. இப்போட்டி டாஸ் வென்ற பாகிஸ்தான் அணி பேட்டிங் தேர்வு செய்தது.
பாகிஸ்தான் அணியின் தொடக்க வீரர்களாக இமாம்-உல்-ஹக், ஃபக்கர் ஜமான் இருவரும் களமிறங்கினர்.ஆட்டம் தொடக்கத்திலே இருந்து நிதானமாக  விளையாடிய இருவரும் அணியின் ரன்களை சேர்த்தனர். இந்நிலையில் 15-வது ஓவரில் இம்ரான் தாஹிர் வீசிய பந்தை அடித்தபோது இம்ரானிடமே தனது கேட்சை கொடுத்து 44 ரன்னில் ஃபக்கர் ஜமான் வெளியேறினார். பின்னர்  பாபர் ஆசாம் இறங்கினார்.நிதானமாக விளையாடிய இமாம்-உல்-ஹக் 21-வது ஓவரில் இம்ரான் தாஹிர் வீசிய பந்தை அடித்தபோது அம்லாவிடம் கேட்சை கொடுத்து 44 ரன்னில் வெளியேறினார்.
பாபர் ஆசாம் நிதானமாகவும் ,சிறப்பாகவும் விளையாடி அணியின் ரன்களை உயர்த்தி 69 ரன்னில் அவுட் ஆனார்.மத்தியில் களமிறங்கிய ஹரிஸ் சோஹைல் 59 பந்தில் 89 ரன்கள் குவித்தார்.

இறுதியாக பாகிஸ்தான் அணி 50 ஓவர் முடிவில் 7 விக்கெட்டை இழந்து 308 ரன்கள் எடுத்தது.தென்னாப்பிரிக்கா அணி பந்து வீச்சில் இம்ரான் தாஹிர் 2 விக்கெட்டையும் , லுங்கி ங்கிடி 3 விக்கெட்டையும் வீழ்த்தினார்.309 ரன்கள் தென்னாப்பிரிக்கா அணி இலக்குடன் களமிறங்க உள்ளது.