குழந்தையின் அறுவை சிகிச்சைக்காக ஒலிம்பிக்கில் வென்ற பதக்கத்தை ஏலம் விட்ட ஒலிம்பிக் வீராங்கனை…!
குழந்தையின் அறுவை சிகிச்சைக்காக ஒலிம்பிக்கில் வென்ற பதக்கத்தை ஏலம் விட்ட ஒலிம்பிக் வீராங்கனை.
போலந்து ஈட்டி எறிதல் வீராங்கனை மரியா ஆண்ட்ரேஜிக், 2016 ரியோ ஒலிம்பிக்கில் ஆண்ட்ரெஜ்சிக் 2 சென்டிமீட்டர் வித்தியாசத்தில் பதக்கத்தை இழந்தார். அவர் 2017 இல் தோள்பட்டை காயத்தால் அவதிப்பட்டார் மற்றும் 2018 இல் எலும்பு புற்றுநோயால் பாதிக்கப்பட்டார். குணமடைந்த பிறகு, இந்த மாத தொடக்கத்தில் டோக்கியோவில் தனது முதல் ஒலிம்பிக் பதக்கத்தை வென்றார்.
இந்நிலையில், இவர் 8 மாத குழந்தையான துருவ மிலோசெக்கின் இதய அறுவை சிகிச்சைக்கு உதவ வேண்டும் என விரும்பினார். இந்த அறுவை சிகிச்சை மேற்கொள்ள ரூ.2.86 கோடி தேவைப்பட்டது. எனவே, முகநூல் பக்கத்தில், மிலோசெக்கின் நன்கொடை என்ற பக்கத்தை தொடங்கினார். ஆனால், அதில் போதுமான நிதி திரட்ட முடியாமல் இருந்தது. இதனையடுத்து, அவர் ஒலிம்பிக்கில் வென்ற வெள்ளி பதக்கத்தை ஏலம் விடுவதன் மூலம் அந்த குழந்தைக்கு உதவ முடியும் என்று நம்பினார்.
இதனையடுத்து, அவர் தனது முகநூல் பக்கத்தில், 8 மாத குழந்தையான துருவ மிலோசெக்கின் இதய அறுவை சிகிச்சைக்கு தான் உதவ விரும்புவதாகவும், எனவே, அவருக்காகத்தான் நான் எனது ஒலிம்பிக் வெள்ளிப் பதக்கத்தை ஏலம் விடுகிறேன் என்றும் பதிவிட்டிருந்தார்.
அதன்படி அவர் ஒலிம்பிக்கில் வென்ற வெள்ளி பதக்கத்தை ஏலம் விட்டதன் மூலம், சுமார் 1.4 கோடி ரூபாய் திரட்டப்பட்டது. இந்த பதக்கத்தை, சூப்பர் மார்க்கெட் சங்கிலி சாப்கா தான் வாங்கினார். ஆனால், சாப்கா ஆண்ட்ரெஜ்சிக்கிற்கு மீண்டும் பதக்கத்தை வழங்க முடிவு செய்தார். இந்நிலையில், மிலோசெக்கின் நன்கொடை பக்கம் மூலம் 90 சதவீதத்திற்கும் அதிகமான தொகை குழந்தையின் அறுவை சிகிச்சைக்காக திரட்டப்பட்டுள்ளது.
