வாழ்வு ஒருமுறைதான்! போதையில் இருந்து தூரமாய் இருங்கள்! – ராமநாதபுரத்தில் அமீர்கான் அறிவுரை!

• பாலிவுட் நடிகர் அமீர்கான் ராமநாதபுரம் மாவட்டம் தனுஷ்கோடியில் ஷூட்டிங்கிற்க்காக வந்துள்ளார். 
• அவர் இளைஞர்களுக்கு போதை பழக்கத்தில் இருந்து தள்ளியிருங்கள் என அறிவுரை கூறியுள்ளார். 

பாலிவுட் நடிகர் ஆமீர்கான் ஷூட்டிங் தொடர்பாக தமிழ்நாட்டிற்க்கு வந்துள்ளார். ராமநாதபுரம் தனுஷ்கோடியில் ஷூட்டிங் வேலைகள் நடைபெற்றுவருகின்றன. இவரை ராமநாதபுரம் மாவட்ட காவல் கண்காணிப்பாளர் அருண்குமார் சந்தித்து பேசியுள்ளார். அப்போது இளைஞர்களுக்கு அறிவுரை கூறுமாறு கேட்டுக்கொண்டுள்ளார்.

அதற்கு அமீர்கான், ‘ இளைஞர்களுக்கு எனது அன்பான வேண்டுகோள். போதை பழக்கத்தில் இருந்து தள்ளியே இருங்கள். போதை பழக்கமும், குடிப்பழக்கமும் வாழ்விற்கு பேராபத்து. வாழ்க்கை என்பது ஒருமுறைதான். அதனை ரசித்து, சந்தோசத்துடன் வாழவேண்டும். உடலை உறுதியுடன் வைத்து இருக்க வேண்டும். அதற்கு போதையில் இருந்து தள்ளியே இருங்கள். ‘ தனது நல்ல அறிவுரையினை வழங்கினார்.