சிறையில் உள்ள நிரவ் மோடியின் காவல் நீட்டிப்பு

பிரபல வைர வியாபாரி நிரவ் மோடியும் ,அவரது  நெருங்கிய உறவினரான மெகுல் சோக்‌ஷியும் பஞ்சாப் நே‌ஷனல் வங்கியில் ரூ.13,000  கோடிக்கு மேல் கடன் வாங்கி  விட்டு  கடந்த 2018-ம் ஆண்டு ஜனவரி மாதம் இந்தியாவை விட்டு வெளியேறி விட்டனர்.
இந்த மோசடி தொடர்பாக  நிரவ் மோடிக்கு எதிராக ரெட் கார்னர் நோட்டீஸ் அனுப்பப்பட்டுள்ளது. நிரவ் மோடியை கைது செய்து இந்தியாவிடம் ஒப்படைக்க சர்வதேச போலீசின் உதவியை மத்திய அரசு நாடியது.

அதன்படி நிரவ் மோடிக்கு எதிராக ரெட் கார்னர் நோட்டீசை சர்வதேச போலீசாரும் பிறப்பித்தனர். இந்த வழக்கில் இங்கிலாந்தில் உள்ள வெஸ்ட்மின்ஸ்டர் நீதிமன்றம் நிரவ் மோடியை கைது செய்ய  வாரண்ட் ஒன்றை பிறப்பித்தது.இதனை தொடர்ந்து லண்டன் போலீசார் நிரவ் மோடியை கைது செய்து சிறையில் அடைத்தனர்.ஆனால் நிரவ் மோடியை நாடு கடத்த அமலாக்கத்துறை தொடர்ந்து முயற்சிகளை மேற்கொண்டு வருகிறது.இதனிடையேதான் நிரவ் மோடி நீதிமன்றத்தில் ஆஜர்ப்படுத்தப்பட்டார்.வீடியோ கான்பிரன்ஸிங் முறையில் நடைபெற்ற விசாரணையில்,நிரவ் மோடியின் காவலை ஜூலை 9-ஆம் தேதி வரை நெடிது உத்தரவு பிறப்பித்தது நீதிமன்றம்.மேலும் நிரவ் மோடியை நாடுகடத்துவது தொடர்பான வழக்கின் விசாரணை செப்டம்பர் 7-ஆம் தேதி நடைபெறும் என்று தெரிவிக்கப்பட்டுள்ளது.