ஹர்பஜன் சிங் பிறந்த நாளை முன்னிட்டு…. பிரண்ஷிப் படத்தின் புது போஸ்ட்ர்.!

ஹர்பஜன் சிங்கின் பிறந்தநாளை முன்னிட்டு பிரண்ஷிப் படக்குழுவினர் புது போஸ்ட்ர் ஒன்றை வெளியிட்டு வாழ்த்துக்களை தெரிவித்து வருகின்றனர்.

ஜாண் பால்ராஜ் மற்றும் ஷாம் சூர்யா இணைந்து இயக்கும் திரைப்படம் பிரண்ட்ஷிப். இந்த படத்தில் கிரிக்கெட் வீரரான ஹர்பஜன் சிங் நடிக்கிறார்.  லாஸ்லியாவும் முக்கிய கதாபாத்திரத்தில் நடிக்கிறார். மேலும் ஆக்ஷன் கிங் அர்ஜூன் வில்லனாகவும் , சதீஷ் உள்ளிட்ட பலர் முக்கிய வேடங்களில் நடித்துள்ளனர். இந்நிலையில் சமீபத்தில் இந்த படத்தின் பர்ஸ்ட் லுக் போஸ்ட்ர் மற்றும் மோஷன் போஸ்ட்ர் வெளியாகி ரசிகர்கள் மத்தியில் பெரும் வரவேற்பைப் பெற்றது.

இந்நிலையில் இன்று தனது பிறந்தநாளை கொண்டாடும் ஹர்பஜன் சிங்கிற்கு பிறந்தநாள் பரிசாக பிரண்ஷிப் படக்குழுவினர் போஸ்ட்ர் ஒன்றை வெளியிட்டதோடு சர்ப்ரைஸ் ஒன்று உள்ளதாகவும் தெரிவித்துள்ளனர். ஹர்பஜன் சிங், லாஸ்லியா, சதீஷ் மற்றும் அர்ஜுன் ஆகியோர் இணைந்துள்ள அந்த போஸ்ட்ருடன் பிறந்தநாள் வாழ்த்துக்களை பல பிரபலங்கள் தெரிவித்து வருகின்றனர். மேலும் அடுத்த சர்ப்ரைஸ்க்காக ரசிகர்கள் பெரிதும் எதிர்பார்த்து காத்திருக்கின்றனர்.