நேபாள விமான விபத்து – இவர்கள் 4 பேரும் அதிசயம் நடந்தால் மட்டுமே உயிர் பிழைக்க முடியும் – அதிகாரிகள்

நேபாள விமான விபத்தில் எஞ்சியுள்ள 4 பேரும் உயிர் பிழைத்திருக்க வாய்ப்பில்லை என அதிகாரிகள் தகவல். 

நேபாள தலைநகர் காத்மாண்டில் உள்ள திரிபுவன் சர்வதேச விமான நிலையத்தில் இருந்து நேற்று காலை 10:33 மணிக்கு ஏ டி ஆர் 72 விமானம் பொக்காரா நோக்கி புறப்பட்டது. இந்த விமானத்தில் 68 பயணிகளும், நான்கு விமான பணியாளர்களும் இருந்தனர்.

72 பேருடன் பயணித்த விமானம் தரையிறங்க சில நிமிடங்களில் இருந்த நிலையில் திடீரென்று கட்டுப்பாட்டை இழந்து வனப்பகுதியில் விழுந்து நொறுங்கியது. இதில் உயிரிழந்த 68 பேரின் சடலங்கள் மீட்கப்பட்டுள்ள நிலையில், எஞ்சியுள்ள 4 பேரின் உடலை தேடும் பணி தீவிரமாக நடைபெற்று வருகிறது.

இந்த நிலையில், இதுகுறித்து அதிகாரிகள் கூறுகையில், எஞ்சியுள்ள 4 பேரும் உயிர் பிழைத்திருக்க வாய்ப்பில்லை. 4 பேரும் ஏதாவது அதிசயம் நடந்தால் மட்டுமே உயிர் பிழைக்க முடியும் என தெரிவித்துள்ளனர்.