“பாக்க முடியலேனா கூட என்னால் நிறைய விஷயங்கள் பண்ண முடியும்”.! நெற்றிக்கண் டிரைலர் வெளியீடு.!

by பால முருகன்Posted on July 29, 2021

நயன்தாராவின் நெற்றிக்கண் படத்தின் ட்ரைலர் வெளியானது.

நடிகை நயன்தாரா நடிப்பில் கடந்த ஆண்டு ஓடிடி தளத்தில் வெளியான திரைப்படம் மூக்குத்தி அம்மன். இந்த திரைப்படம் ரசிகர்களுக்கு மத்தியில், பலத்த வரவேற்பை பெற்றது. இந்த திரைப்படத்தை தொடர்ந்து அடுத்ததாக நடிகை நயன்தாரா, அண்ணாத்த, நெற்றிக்கண், காத்து வாக்குல இரண்டு காதல் போன்ற பல திரைப்படங்களில் நடித்துள்ளார்.

இதில் நெற்றிக்கண் படத்தை விக்னேஷ் சிவன் தயாரிக்க மிலிந்த் ராவ் இயக்குகிறார். இவர் 2017ஆம் ஆண்டு வெளியான அவள் படத்தை இயக்கியவர் என்பது குறிப்பிடத்தக்கது. இந்த திரைப்படத்தில் நடிகை நயன்தாரா பார்வையற்ற பெண்ணாக நடித்துள்ளார்.

இந்நிலையில், இன்று மதியம் 12.15 மணிக்கு நெற்றிக்கண் படத்தின் ட்ரைலர் வெளியாக இருப்பதாக படக்குழு அறிவித்து. அதன்படி தற்போது இந்த படத்தின் ட்ரைலர் வெளியாகியுள்ளது.

இருக்கும் கண்கள் மூடினால், மூன்றாவது கண் திறக்கும்! இது நயன்தாராவின் சுட்டெரிக்கும் #Netrikann Streaming from August 13th in Tamil, Telugu, Kannada and Malayalam.

Watch it Now :- https://t.co/HuNMkeoFEO #Netrikann #DisneyPlusHotStarMultiplex #Nayanthara @VigneshShivN

— Disney+ Hotstar (@DisneyPlusHS) July 29, 2021