கீரைத்தீவுவில் கடற்படையினர் துப்பாக்கி சூடு…பதற்றம் நீடிக்கிறது…!!
இலங்கை, திருகோணமலை கீரைத்தீவுவில் கடற்படையினர் துப்பாக்கி சூடு நடத்தியதால் பதற்றம் நீடிக்கிறது.
இலங்கை நாட்டில் உள்ள திருகோணமலை கிண்ணியா கங்கைப்பால கீரைத்தீவு பகுதியில் உள்ள மணலை சட்டவிரோதமாக கடத்தியதாக கூறப்படுகிறது. இதையறிந்து அங்கு வந்த இலங்கை கடற்படை வீரர்கள் மணல் கடத்தல் வாகனத்தை நோக்கி துப்பாக்கிச் சூடு நடத்தியதில், இரண்டு பேர் கடலில் குதித்தனர்.
இதையடுத்து கடலில் குதித்தவர்களை நீண்ட நேரம் தேடியும் கண்டுபிடிக்க முடியாததால் அங்கு திரண்ட பொதுமக்கள் கடற்படையினர் மீது கற்களை வீசி தாக்குதலில் ஈடுபட்டனர். இதில், 12 கடற்படை வீரர்கள் காயமடைந்தனர். இந்தநிலையில் தொடர்ந்து காணாமல் போனோரை கண்டுபிடிக்க முடியாததால் அங்கு பதற்றமான சூழல் நிலவி வருகிறது.போலீசார் குவிக்கப்பட்டுள்ளர்.
