டிரம்பை ‘அவெஞ்சர்ஸ்’ படத்தின் தானோஸ் போல சித்தரித்த நெட்டிசன்கள்.!
- ஹாலிவுட் வில்லனை போல அமெரிக்க அதிபர் டிரம்பை சித்தரித்து நெட்டிசன்கள்.
- டிரம்ப் நினைத்தால் ஒரு சொடக்கில் ஜனநாயக கட்சியின் விசாரணையை ஒன்றும் இல்லாமல் செய்துவிடுவார்.
அமெரிக்க அதிபர் ரோனால்டு ட்ரம்பை ஹாலிவுட் படத்தின் வில்லன் போல் சித்தரித்து வெளியிட்ட விளம்பரக் குழுக்கள். டிரம்பை, ஹாலிவுட் திரைப்படமான ‘அவெஞ்சர்ஸ்’ படத்தின் வில்லன் தானோஸ் போல் சித்தரித்து, டிரம்பின் பிரசார குழு வீடியோ ஒன்றை டுவிட்டரில் வெளியிட்டு உள்ளது.
அந்த வீடியோவில் தானோஸ் உருவில் இருக்கும் டிரம்ப் ‘நான் தவிர்க்க முடியாதவன்’ என கூறிவிட்டு சொடக்கு போடுகிறார். இதே போன்று அவெஞ்சர்ஸ் படத்தில் வில்லன் தானோஸ் ஒரு சொடக்கில் உலகின் ஒட்டுமொத்த மக்கள் தொகையில் பாதியை அழித்துவிடுவார்.
அதே போல் டிரம்ப் நினைத்தால் ஒரு சொடக்கில் ஜனநாயக கட்சியின் விசாரணையை ஒன்றும் இல்லாமல் செய்துவிடுவார் என்பதை அவரது விளம்பர குழுவினர் மறைமுகமாக குறிப்பிட்டுள்ளனர்.
