நானே வருவேன் திரைப்படத்தின் மாஸான அப்டேட்.!

நானே வருவேன்  திரைப்படத்தின் படப்பிடிப்பு செப்டம்பர் இறுதியில் தொடங்குகிறது.

இயக்குனர் செல்வராகவன் மற்றும் தனுஷ் இருவரும் 10 ஆண்டுகளுக்கு பிறகு நானே வருவேன் படத்தில் இணையவுள்ளனர். இந்த படத்தை தயாரிப்பாளர் கலைப்புலி தாணு தயாரிக்கிறார். படத்திற்கு இசையமைப்பாளர் யுவன் ஷங்கர் ராஜா இசையமைத்து வருகிறார். இந்த படத்திற்கான அறிவிப்பு கடந்த ஜனவரி மாதம் 12 ஆம் தேதி வெளியானது.

இந்த படத்தின் டைட்டில் மற்றும் கதையை இயக்குனர் செல்வராகவன் மாற்ற முடிவு செய்துள்ளதாகவும், படத்திற்கு ராயன் என்று தலைப்பு வைக்கப்பட்டுள்ளதாகவும் தகவல்கள் பரவியது. இது குறித்து எந்த அதிகாரப்பூர்வ அறிவிப்பும் வெளியாகவில்லை. மேலும் படத்திற்கான படப்பிடிப்பு வருகின்ற ஆகஸ்ட் மாதம் 20-ஆம் தேதி தொடங்கும் என்றும் அறிவிக்கப்பட்டிருந்தது.

இதனையடுத்து தற்போது கிடைத்த தகவலின் படி, நானே வருவேன் படத்தின் படப்பிடிப்பு இந்த மாத இறுதியில் தொடங்கவுள்ளதாக தகவல்கள் வெளியாகியுள்ளது. மேலும், செல்வராகவன் தற்போது விஜயின் பீஸ்ட் படத்தில் நடித்து வருகிறார். தனுஷ், திருச்சிற்றம்பலம் என்ற படத்தில் நடித்து வருகிறார் என்பது குறிப்பிடத்தக்கது.