டிக்கிலோனா படத்தின் “பேர் வச்சாலும் வைக்காம” பாடல்..!

சந்தானம் நடிப்பில் உருவாகியுள்ள டிக்கிலோனா படத்தில் இடம்பெற்ற பேர் வச்சாலும் வைக்காம பாடல் தற்போது வெளியாகியுள்ளது. 

இயக்குனர் கார்த்திக் யோகி இயக்கத்தில் நடிகர் சந்தானம் நடிப்பில் உருவாகியுள்ள திரைப்படம் டிக்கிலோனா. கேஜேஆர் ஸ்டுடியோஸ் நிறுவனம் தயாரிக்கும் இந்த படத்திற்கு யுவன் ஷங்கர் ராஜா இசையமைத்துள்ளார். இந்த படத்தில் சந்தானம் மூன்று வேடங்களில் நடித்துள்ளார் .

இந்த படத்தின் பர்ஸ்ட் லுக், டிரெய்லர் கடந்தாண்டு வெளியாகி ரசிகர்களுக்கு மத்தியில் பலத்த வரவேற்பைப் பெற்றது. மேலும் இந்த படத்தில் கிரிக்கெட் வீரர் ஹர்பஜன், ஆனந்தராஜ், முனீஸ்காந்த், மொட்டை ராஜேந்திரன், யோகி பாபு, அனகா, ஷிரின் உள்ளிட்ட பலர் நடித்துள்ளார்கள்.

இளையராஜாவின் ‘பேர் வச்சாலும் வைக்காம’ என்ற கமலின் ‘மைக்கேல் மதன காமராஜன்’ படத்திலுள்ள பாடலை யுவன் சங்கர் ராஜா ரீ கீரியேட் செய்துள்ளார். இந்த அழகான பாடல் தற்போது வெளியாகி ரசிகர்களுக்கு மத்தியில் நல்ல வரவேற்பை பெற்று வருகிறது. இதோ அந்த பாடல்.