‘சவரகத்தி’ படத்தினை அடுத்து மிஷ்கின் சகோதரரின் அடுத்த படம்.!

சவரகத்தி பட இயக்குநரின் அடுத்த படத்திற்கு பிதா என்றும் பெயரிடப்பட்டுள்ளதாக கூறப்படுகிறது.

கடந்த 2018ஆம் ஆண்டு ராம்  பூஜா மற்றும் மிஷ்கின் இயக்கத்தில் வெளியான திரைப்படம் ‘சீரகத்தி’. இந்த படத்தின் மூலம் தமிழ் சினிமாவில் இயக்குநராக அறிமுகமானார் மிஷ்கினின் சகோதரரான ஜி.ஆர். ஆதித்யா. இந்த படம் ரசிகர்கள் மத்தியில் பெரும் வரவேற்பைப் பெற்றதை அடுத்து சமீபத்தில் கண்ணாமூச்சி என்ற வெப் சீரிஸ் ஒன்றை இயக்கியிருந்தார். இந்த நிலையில் தற்போது அவரின் இரண்டாவது படத்தினை குறித்த தகவல் வெளியாகியுள்ளது.

பிதா என்று பெயரிடப்பட்டுள்ள அந்த படத்தை மிஷ்கின் வழங்க ஸ்ரீ கிரீன் புரொடக்ஷன் தயாரிக்கிறது. ஒரு அப்பா மற்றும் மகளை பற்றி உருவாகும் இந்த படத்தில் தயாரிப்பாளரான மதியழகன் அப்பா கதாபாத்திரத்தில் நடிக்கவுள்ளார். இவர் சமீபத்தில் அருண் விஜய் நடிக்கவிருக்கும் பாக்ஸர் படத்தில் வில்லனாக நடிக்க உள்ளதாக கூறியது குறிப்பிடத்தக்கது. அதனையடுத்து 2018ன் ஃபெமினா மிஸ் வேல்டான அனுகீர்த்தி மற்றும் கலையரசன், ரமேஷ் திலக் ஆகியோர் முக்கிய வேடங்களில் நடிக்கவுள்ளனர்.