சூப்பர் ஸ்டார் மறுத்ததால் உலகநாயகன் நடித்து மெகா ஹிட்டான திரைப்படம்.! எது தெரியுமா.?

கமல்ஹாசனின் மெகா ஹிட் படமான பாபநாசம் படத்தில் முதலில் நடிக்கவிருந்தது ரஜினிகாந்த் என்று கூறப்படுகிறது.

கடந்த 2013ல் மோகன்லால் மற்றும் மீனா நடிப்பில் ஜீத்து ஜோசப் இயக்கத்தில் வெளியான திரைப்படம் திரிஷ்யம். 5 கோடி பட்ஜெட்டில் உருவான இந்த படம் சுமார் 75 கோடி வரை வசூல் செய்தது மட்டுமில்லாமல் தமிழ், தெலுங்கு, கன்னடம், இந்தி ஆகிய மொழிகளிலும் ரீமேக் செய்யப்பட்டு பெரும் வெற்றியை கண்டது. தமிழில் கமல்ஹாசன் மற்றும் கௌதமி நடித்து பாபநாசம் என்ற பெயரில் வெளியாகி 100கோடிக்கு மேல் வசூல் செய்தது.

பல திருப்பங்களுடன் சுயம்புலிங்கம் என்ற கதாபாத்திரத்தை தனது எதார்த்தமான நடிப்பால் ரசிகர்களை கவர்ந்தார் கமல்ஹாசன். இந்த நிலையில் தற்போது பாபநாசம் படத்தில் முதலில் நடிக்கவிருந்தது ரஜினிகாந்த் தான் என்ற செய்தி வெளியாகியுள்ளது. ஆம் ஜீத்து ஜோசப் ரஜினியை வைத்து இயக்கவே ஆசைப்பட்டராம். ஆனால் ரஜினி ரசிகர்கள் சூப்பர் ஸ்டாரை கமர்ஷியல் படங்களில் பார்த்து ரசித்ததை அடுத்து, எதார்த்தமான கேரக்டரில் நடிப்பதை விரும்ப மாட்டார்கள் என்று கருதி , சண்டைகள் இல்லாத பாபநாசம் படத்தை மறுத்ததாக கூறப்படுகிறது. அதனையடுத்து தான் அந்த படத்தில் கமல்ஹாசன் நடித்தும் பிளாக் பஸ்டர் ஹிட்டானது குறிப்பிடத்தக்கது.