நாளை வெளியாகிறது மாஸ்டர் படத்தின் இரண்டாவது சிங்கிள்

மாஸ்டர் படத்தின் இரண்டாவது சிங்கிள் நாளை மாலை 5 மணிக்கு வெளியாகிறது.

தளபதி விஜய் நடிப்பில் அவரது 64 திரைப்படமாக மாஸ்டர் ( MASTER ) திரைப்படம் தயாராகி வருகிறது. இப்படத்தை கைதி பட இயக்குனர் லோகேஷ் கனகராஜ் இயக்கியுள்ளார். விஜய் சேதுபதி இப்படத்தில் நடித்து வருகிறார். மாளவிகா மோகனன், சாந்தனு, அர்ஜுன் தாஸ் என பலர் இப்படத்தில் நடித்து வருகின்றனர்.மாஸ்டர் படத்தின் படப்பிடிப்பு சென்னை, டெல்லி ,கர்நாடகா மாநிலம் ஷிமோகா என்று பல இடங்களில்  விறுவிறுப்பாக நடைபெற்றது. 

கடந்த சில நாட்களுக்கு முன் மாஸ்டர் படத்தின் குட்டி ஸ்டோரி பாடல் வெளியாகியது.இந்த பாடலை நடிகர் விஜய் பாடினார்.இது அவரது ரசிகர்கள் மத்தியில் நல்ல வரவேற்பை பெற்றது. இப்படத்தின் இசை வெளியீட்டு விழா மார்ச் 15-ம் தேதி நடைபெறுகிறது.இந்நிலையில் இந்த படத்தின் இரண்டாவது சிங்கிள் நாளை மாலை 5 மணிக்கு வெளியாகிறது என்று அறிவிக்கப்பட்டுள்ளது.