ஆகஸ்ட் 15ம் தேதி மாஸ்டர் டிரைலர்..?

விஜய் நடிக்கும் மாஸ்டர் படத்தின் அப்டேட் வருகின்ற 15ம் தேதி வருவதாக தகவல்கள் வெளியாகியுள்ளது.

நடிகர் விஜய், தற்போது நடித்து முடித்துள்ள திரைப்படம் மாஸ்டர்.இந்த படத்தை மாநகரம், கைதி உள்ளிட்ட வெற்றி படங்களை இயக்கிய லோகேஷ் கனகராஜ் இயக்குகிறார். இப்படத்தின் கதாநாயகியாக மாளவிகா மோகன் நடிக்கிறார்.

மேலும் இந்த மாஸ்டர் படத்தில் விஜய் சேதுபதி வில்லனாகவும் , சாந்தனு, ஆண்ட்ரியா, கௌரி கிஷன், தீனா, அர்ஜுன் தாஸ் ஆகியோர் முக்கிய வேடங்களிலும் நடித்துள்ளனர். அனிருத்தின் இசையமைப்பில் வெளியான அனைத்து பாடல்களும் டிரெண்டிங்கில் உள்ளது.

இந்நிலையில் கடந்த ஏப்ரல் மாதத்தில் திரைக்கு வரவிருந்த இந்த படம் பரவி வரும் கொரோனா வைரஸ் காரணமாக படத்தின் ரிலீஸ் தள்ளி வைக்கப்பட்டுள்ளது. மேலும் தற்பொழுது மாஸ்டர் படத்தின் புதிய அப்டேட் வருகின்ற ஆகஸ்ட் 15ம் தேதி வருவதாக தகவல்கள் வெளியாகியுள்ளது, இதனால் ரசிகர்கள் என்ன அப்டேட் என்று யோசித்து வருகின்றனர்.