பாலிவுட் நடிகைக்கு கொலை மிரட்டல் கொடுத்த நபர் கைது… கத்ரினா கைஃப்பை திருமணம் செய்ய ஆசையாம்…

கத்ரீனா கைஃப் – விக்கி கௌஷல் ஆகியோருக்கு கொலை மிரட்டல் விடுத்த நபர் ஓர் துணை நடிகர் ஆவார். மேலும், அவர் கத்ரீனா கைஃப்-ஐ திருமணம் செய்து கொள்ள நினைத்திருந்தாராம்.

பாலிவுட் நடிகை யான கத்ரீனா கைஃப் மற்றும் அவரது கணவரும் இளம் பாலிவுட் நடிகரான விக்கி கௌஷல் ஆகியோருக்கு கொலை மிரட்டலை ஒரு நபர் சமூக வலைதளம் மூலம் விடுத்துள்ளார்.

இதனை தொடர்ந்து மும்பை காவல்நிலையத்தில் அந்த மர்ம நபர் மீது போலீஸ் புகார் அளிக்கப்பட்டது. பிறகு தேடுதல் வேட்டையில் இறங்கிய போலீசார், உடனடியாக அந்த மர்ம நபரை கண்டுபிடித்து விட்டனர்.

அந்த மர்ம நபர் பெயர் மன்விந்தர் சிங் என்கிற ஆதித்யா ராஜ்புத் என தெரிய வந்துள்ளது. அதேபோல் அவர் ஓர் துணை நடிகர் ஆவார். கத்ரினா கைஃப்பை காதலித்து வந்ததாகவும், அவரை திருமணம் செய்து கொள்ள ஆசைப்பட்டதாகவும் போலீஸ் விசாரணையில் அந்த நபர் தெரிவித்துள்ளார். அதன் காரணமாகத்தான் கொலை மிரட்டல் விடுத்துள்ளாராம்.