ஓடிடியில் ரிலீஸாகும் ‘லாக்கப் ‘.! எப்போது தெரியுமா.?

வெங்கட் பிரபு மற்றும் வைபவ் நடித்து முடித்துள்ள லாக்கப் படத்தை ஆகஸ்ட் 14ம் தேதி ஓடிடி பிளாட்பாரமான Zee5 தளத்தில் ரிலீஸ் செய்யப்படவுள்ளதாக அதிகாரப்பூர்வ அறிவிப்பு வெளியாகியுள்ளது .

தமிழ் சினிமாவில் பிரபல இயக்குநராகவும், நடிகராகவும் வலம் வருபவர் வெங்கட் பிரபு. இவர் தற்போது நடித்து முடித்துள்ள திரைப்படம் ‘லாக்கப்’. அறிமுக இயக்குனரான எஸ். ஜி. சார்லஸ் இயக்கியுள்ள இந்தப் படத்தை நடிகர் நிதின் சத்யா தயாரித்துள்ளார் . இந்த படத்தில் வைபவ் ஹீரோவாகவும், வாணிபோஜன் ஹீரோயினாகவும் நடித்துள்ளனர். மேலும் இயக்குநர் வெங்கட் பிரபு வில்லனாக நடித்துள்ளார். அரோல் கோரெல்லி இசையமைக்கும் இந்த படத்தை Zee5 தளம் வாங்கியுள்ளதாக கூறப்பட்டது.

தற்போது ஊரடங்கு காரணமாக திரையரங்குகள் மூடப்பட்டதன் காரணமாக ரிலீஸ்க்கு தயாராக இருந்த பல படங்கள் ஓடிடியில் ரிலீஸ் செய்து வருகின்றனர். அந்த வகையில் தற்போது லாக்கப் படத்தையும் Zee5 தளத்தில் ரிலீஸ் செய்யப்படவுள்ளதாக அறிவிக்கப்பட்டுள்ளது. ஆம் இந்த படத்தை வரும் ஆகஸ்ட் 14ம் தேதி Zee5 தளத்தில் ரிலீஸ் செய்யப்படவுள்ளதாக அதிகாரப்பூர்வ அறிவிப்பு வெளியாகியுள்ளது.