20 ஆண்டுகளுக்கு பிறகு புதுப்பொலிவுடன் வெளியாகும் “மின்னலே”..!!

மின்னலே திரைப்படம் வருகிற 26 ஆம் தேதி திரையரங்குகளில் ரீ ரிலீஸாகவுள்ளது.

கடந்த ஆண்டு ஏற்பட்ட கொரோனா வைரஸ் தாக்கம் காரணமாக திரையரங்குகள் மூடப்பட்டு சில திரைப்படங்கள் ஓடிடியில் வெளியானது. அதற்கு பிறகு திரையரங்குகள் திறக்கப்பட்டு பல திரைப்படங்கள் வெளியாகி வெற்றிநடைபோற்று வருகிறது. அதைபோல் ஏற்கனவே வெளியான படங்கள் திரையரங்குகளில் ரீ ரிலீசாகி வருகிறது அந்த வகையில் கடந்த 2007 ஆம் ஆண்டு இயக்குனர் விஷ்ணு வரதன் இயக்கத்தில் நடிகர் அஜித்குமார் நடிப்பில் வெளியான பில்லா திரைப்படம் கடந்த வெள்ளிக்கிழமை வெளியானது.

இந்த படத்தை தொடர்ந்து வருகின்ற வெள்ளிக்கிழமை சிம்பு நடிப்பில் வெளியான மன்மதன் திரைப்படம் வெளியாகவுள்ளது. இந்த நிலையில் இதனை தொடர்ந்து அணைத்து ரசிகர்களுக்கு மிகவும் பிடித்த திரைப்படமான மின்னலே படம் மீண்டும் திரையரங்குகளில் ரீ ரிலீசாகவுள்ளது.

ஆம், கடந்த 2001 ஆம் ஆண்டு இயக்குனர் கௌதம் மேனன் இயக்கத்தில் நடிகர் மாதவன் நடிப்பில் வெளியான திரைப்படம் மின்னலே. இசையமைப்பாளர் ஹரிஷ் ஜெயராஜ் இசையமையத்திருந்த இந்த படம் ரசிகர்களுக்கு மத்தியில் பலத்த வரவேற்பை பெற்றது என்றே கூறலாம். இந்த நிலையில் தற்போது மின்னலே திரைப்படம் வருகிற 26 ஆம் தேதி திரையரங்குகளில் ரீ ரிலீஸாகவுள்ளது.இதனால் ரசிகர்கள் அனைவரும் ஆவலுடன் காத்துள்ளார்கள்.