லெபனான் விபத்து.. பெய்ரூட்டில் 2 வாரம் அவசர நிலை பிரகடனம்.!
பெய்ரூட்டில் உள்ள துறைமுகம் அருகே சில ஆண்டுகளுக்கு முன்பு சேமித்து வைக்கப்பட்டிருந்த 2750 டன் எடை கொண்ட அம்மோனியம் நைட்ரேட் வெடித்ததாக கூறப்படுகிறது. இந்த விபத்தில் ஏராளமான கட்டிடங்கள் சேதமடைந்தன.
விபத்தில் சிக்கி 100-க்கும் மேற்பட்டோர் உயிரிழந்தனர். 4 ஆயிரத்து 700க்கும் மேற்பட்டோர் காயங்களுடன் மருத்துவமனையில் சிகிக்சை பெற்று வருகின்றனர். இந்த விபத்துக்கு காரணமானவர்கள் நிச்சயம் அதற்கான விலையை கொடுத்தாக வேண்டும் என அந்நாட்டு பிரதமர் தெரிவித்துள்ளார்.
லெபனான் வெடி விபத்தை தொடர்ந்து அடுத்த 2 வாரம் அவசர நிலை பிரகடனப்படுத்தப்பட்டுள்ளது. லெபனான் வெடி விபத்து குறித்து ஈரான், பிரான்ஸ் மற்றும் இஸ்ரேல் ஆகிய நாடுகளின் தலைவர்கள் தங்கள் கண்டனத்தையும் தெரிவித்துள்ளனர். மேலும், தேவையான உதவிகளை செய்வதாகவும் கூறியுள்ளனர்.
